Бүгін Ақордада өткен ҚР Үкіметінің кеңейтілген құрамдағы отырысынан кейін еліміздің Қорғаныс министрі Иманғали Тасмағамбетов өзі басқаратын ведомство ғимараты алдындағы көлік жарылысына қатысты түсініктеме берді.Алайда министр БАҚ  өкілдеріне нақты ешқандай ақпарат бермеді. «Жедел-тергеу амалдары жүргізілуде. Бұқаралық ақпарат құралдарына мәлім жайттардан басқа ештеңе айта алмаймын, күтіңіздер», — деді ол.

Естеріңізге сала кетсек, кеше Астанада Достық көшесінің бойында «Шевроле» маркалы автокөлігі жарылып, онда Қорғаныс министрлігінің әскери бөлімі қызметкері 40 жасар подполковник  Арман Сыздықов қайтыс болған еді.