Қазақия газеті туралы айтар болсақ, аптасына бір рет 32 бет болып, қазақ және орыс тілдерінде шығады. Одан бөлек ағылшын және қытай тілінде де шығуға (негізінен жарнама беру) рұқсаты бар.
Ұстанған бағыты – ұлт қызметшісі деген мәртебеге лайық болу.
Бағдары – оңға, үкіметке де бұрмай, солға, оппозияцияның да сойылын соқпай, шама келгенше қара қылды қақ жарған, әділдікті ту етіп көтерген, шынайы ақпарат пен мәлімет беретін, мәселені өткір көтеретін, жалаң сынаумен ғана айналыспай, өз ұсынысын да жолдап отыруды көздеу.
Басылым республикаға, сонымен қатар алыс және шетелдерге де тарай алады.
Жаңа жылдан бастап толығымен түрлі-түсті болып шығады.
Басылымның басымдық беретін тұстары – қазақ елінің өндірісін, ғылымы мен білімін дамытуға барынша атсалысу; қазақ рухының қайтадан көкке көтерілуі, жас ұрпақты сонау 7-ғасырдың өзінде-ақ қағанат құра алған, тамыры тереңге кеткен қайталанбас ерекше мәдениеті мен бай әдебиеті, бес мың жылдық тарихы бар, адамзат өркениетіне қосқан үлесі ауыз толтырып айтарлықтай ұлттың ұрпағы ретінде тәрбиелеу.
«Қазақия» газеті таралымы – 17777 дана
Жауап беру