Жалаңашта нең бар еді, «Егемен»?

Жоғарыда жарияланып отырған материалда айтылғандай, еліміздің бас газеті… жұмсартып айтқанда, «намазынан жаңыла» бастады. Елдің бағыт бағдарын айқындайтын, бет- бедерін бейнелейтін басылым, өткен аптада тыр жалаңаштардың суретін өз сайтында жариялап, айды аспанға бір-ақ шығарды.
Канадада өткен ню жанрындағы «Шешіну» деп атала тын көрмеге келген канадалықтар жалаңаш кескіндерді де тыр жалаңаш келіп көріпті. Көрмедегі экспозициялардың бәрі Канаданың өнер істері жөніндегі кеңесінің коллекциясынан алыныпты.
Мейлі ғой, канадалықтар ойына келгенін істейді екен, бастарынан «аса алмайтын» мүшелері асып-ақ кетсінші. Тапайдың тал түсінде Ата газетімізге не болғаны? Тыр жалаңаштарды таңдайы тақылдап тамсанып әңгімелеп отырған сайт, көрменің жалаңаш кел деген ұсынысына тіпті ешкім ашуланбапты да» деп таң қалады.
Салмақты, елге айтары бар басылымның сұйылып бара жатқаны ешкімге де жасырын емес. Тіпті, елдегі халық әкімдердің зорлық-зомбылығымен жаздыртып алатын бұл газетті «аш та жап» немесе «тамызық» деп атайтынын да естіп жүрміз. Бұл басылым үшін мемлекеттен қыруар қаржы бөлінетінін де білеміз. Сонда дейміз та, құл екеш құл да нанын адалдап жеуге тырыспаушы ма еді? Түсініксіз өтетін тендерден төгіліп түсіп жатқан теңге «Егеменді» есінен тандыра бастаған сияқты ма, қалай?
Е.Нұралы