Нұрсұлтан Назарбаевты ұлықтау рәсіміне Үкімет мүшелері, Парламент депутаттары, облыс әкімдері, Конституциялық кеңес мүшелерi, Жоғарғы Сот судьялары, қоғам қайраткерлері, Қазақстанда тіркелген шетел димломатиялық миссиялардың өкілдері және мәртебелі қонақтар қатысады.

Рәсім Н.Назарбаев оң алақанын Ата заңға қойып тұрып, салтанатты түрде ант береді. Содан соң Орталық сайлау комиссиясының төрағасы оған президент куәлігін тапсырады, делінген жазбада.

Шара бірқатар республикалық арналарда тікелей эфирден беріледі.

Айта кетейік, инаугурация – Қазақстанда бесінші мәрте өткізілуде. Қазақстан Президенті 1991 жылы алғаш рет ант берген болатын. Сол салтанатты рәсім 10 желтоқсанда Алматыдағы Республика сарайында өткен еді.  Екінші ұлықтау рәсімі 1999 жылы 21 қаңтарда Астанада Конгресс-Холлда өтті. Ал содан кейін Қазақстан Президентін ұлықтау салтанаты 2006 жылы 11 қаңтарда Ақордада өтті. Ал төртінші инаугурация 2011 жылы 8 сәуірде Тәуелсіздік сарайында өтті.