Алтайдан белгілі археолог, тарих ғылымдарының докторы Зейнолла Самашевтің жетекшілігімен жүргізілген археологиялық қазба жұмыстары барысында шамамен 40 жастағы сарбаздың сүйегі табылды.

Жауынгердің денесінің қасынан сол дәуірдің қару-жарағы атап айтқанда, дулыға, садақ, жебе, қорамсақ, қылыш сонымен қатар, аттың сүйектері мен алтын жалатылған ер-тұрман, жүген табылды. Сондай-ақ сарбаздың қасына қобызға ұқсас музыкалық аспаптың қойылуы археологиялық қазба жұмысының басты жаңалығы болып отыр.

Ескерткіш Түркі Академиясының «Батыс Түрік қағанатының мемлекеттік құрылымы» атты ғылыми зерттеу жобасы негізінде қазылған. Бұған дейін «Берел» қорымынан мол жәдігер тапқан белгілі археолог Зейнолла Самашев:«археолог ғалымдармен бірге жүргізілген алғашқы сараптамалар нәтижесі жауынгерді шамамен VII ғасырда өмір сүрген деп болжап отыр. Адам мен аттың сүйегі өте жақсы сақталған. Бұл сүйек — қатардағы сарбаздікі емес, жырау немесе қоғамда жоғары мәртебе ие болған адамдікі болуы мүмкін»,-дейді.

Бір қызығы, дәл осы өңірден былтыр аталған ғалымның археологиялық тобы екі көне аспап түрін тапқан болатын.

Тарихи олжаның нақты дәуірі Түркі академиясы жанында жүргізілетін арнайы сараптамалардан кейін анықталады.

The post Археологтар Алтайдан қобызға ұқсас көне аспап тапты appeared first on Қазақия газеті.

«Смартфондардың, планшеттердің және басқа да құрылғылардың танымалдылығының айтарлықтай артуы адамдардың кез-келген жердегі жоғары жылдамдықты мобильді интернетке деген қажеттелігіне әкелді. Біз мұндай жобаны республикалық көлемде ашқан алғашқы компания болып табыламыз. Қала тұрғындары үшін жоғары жылдамдықты интернет ұсына отырып, біз оларға өз танымы мен қызығушылығы деңгейін кеңейтуге мол мүмкіндік ұсынамыз»,-деді “Beeline Қазақстан” компаниясының Бас атқарушы директоры Тарас Пархоменко.

«Автобуста желіге тегін қосылу – жұмысқа немесе оқуға барар жолдағы уақытты ұтымды пайдалану мүмкіндігі. Біз осындай қызықты да пайдалы жобаны іске қосқан “Beeline Қазақстан” компаниясының бастамасын қолдаймыз. Бұл бастама қалалық қоғамдық көліктегі қызмет сапасын жақсартып, жолаушылар санын арттыра түсетіні күмәнсіз»,-деді Қарағанды облысының Жолаушылар көлігі мен автокөлік жолдары басқармасы басшысының орынбасары Сәбит Оспанов.

Естеріңізге сала кетейік, еліміздің бірнеше қаласында 100-ден астам автобус өз жолаушыларына тегін интернетті пайдалану мүмкіндігін ұсынуда. Бастапқыда жоба сынақ ретінде Петропавл қаласында іске қосылды, ке-
йіннен бұл тәжірибе Көкшетау, Түркістан, Орал қалаларында өз жалғасын тапты. Бүгінгі таңда Қостанай, Атырау қалаларында сынақ жұмыстары белсенді түрде жүргізіліп жатса, Алматы, Астана, Қызылорда, Павлодар және басқа қалаларда дайындық жұмыстары басталып кетті.

Дәулет Асауов, Қарағанды

The post Қарағанды автобустарында интернет тегін appeared first on Қазақия газеті.

Аталған азаматша қала орталығындағы пәтерлердің бірінен бөлме жалдапты. Бірнеше ай бойы бірге тұрып жатқан көршісінің киімдерін ұрлаған. Ал көршісі ұрланған киім-кешеігінің құнын 117 мың теңгеге бағалаған.  Осы оқиғаға байланысты Ақтөбе қаласының №2 сотының судьясы әкімшілік жазаға кесті. Енді қыз екі жүз сағат қоғамдық жұмысқа жегілетін болады.

The post Ақтөбелік бойжеткен 200 сағат қоғамдық жұмысқа жегіледі appeared first on Қазақия газеті.

- Менің осында отбасыммен келгеніме биыл төртінші жыл, — дейді Бүркіт Байқуатов бауырымыз. – Ұл, қызым төртеуміз темір жолға жақын маңайдағы ескі қоныстың шағын екі бөлмесін жалдап тұрамыз. Жатын жер, отыратын орынды әрдайым таза ұстаймыз. Бірақ былтырғы күз бен қыста тарақан тынышымызды алса, биылғы көктемде қандала қаптады. Көрпе-төсегімізді тысқа жиі шығарып, жіпке ілсек, көршілеріміздің қауіптеніп, жақтырмай жүргені тағы бар.

- Жиендерімді сағынған соң, жазғы оқу демалысын пайдаланып, бір ай бұрын қыдырып келгенмін, — дейді батыс беткейлік әзиз әже Әсем Айжарықова. – Қызым мен күйеу бала үйлерінде қандала көбейгенін жаңа шкаф сатып алғандарынан көреді. Арзан дәріден өлмейді екен. Бәрінен құтылу үшін бір бригада шақыру қажет көрінеді. Олардың сұраған ақысын беруге балалардың жалақысы жетпейді.

Қандала (Hemіptera) — қанмен ғана қоректенетін қанатсыз жәндік. Бір мәрте қан сорғанда өз салмағынан екі есе көп және тәуліктік тіршілігіне толық жететін қорек жинайды. Әр ретте 450-500 жұмыртқа салып, жылдам жетіледі.

Тұрғындар Алмафос, Алмафос-форте, Синузан 48%, Суматион, Найгард, Бриз 25%, Фосфолан, Неопин, Хлорак, Дифос, Метасил, Тролен, Прима—71, Неофос, т.б. дәрілер сатып алып, қауіпсіздік ережелерін сақтай отырып, зарарсыздандыруына немесе маманданған мекеменің жедел тобын шақыруына болады. Қызметі бөлменің санына байланысты 10-15 мың теңгеден жоғары.

- Қайталанар қызметтің құнын кім көрінгеннің қалтасы көтермейді, — дейді Алматы аудандық дезинфекция ұжымының кіре берісінде келушілерге кеңес беруге машықтанған Миша есімді ақылшы ағамыз. – Жұртшылықтың шағымдануы өте орынды. Дүкен мен базардағы түрлі у қандалаға еш әсер етпейді. Мүмкін бірнеше сағат көрінбей кетер, бірақ өлмейді. Құрамындағы қоспалар әлсіз. Ғылыми зерттеушілер әзірлеген сұйық дәрі бар бізде. Құтысы — 2800 теңге. Зарарсыздандыру сәтінде мұрын мен ауызды қалың жабатын бетперде киілмесе, химиялық тазартумен айналысқан адамға өте зиян. Және ол бөлмеде тамақ пен су тұрмауы тиіс. Әрі онда бір тәулік болуға рұқсат етілмейді. Араға он күн салып, айына үш рет улауың үшін  қажет. Астанада қарапайым кәсіп иелерінің алатын айлығы 40 мыңның шамасы. Сондықтан, зарарсыздандыру шаралары бюджеттен қаржыландырылуы керек.

Бұл маңызды мәселеге тиісті құрылымдардың назары қашан бұрыларын кім білсін?!

Шырақ САБЫРБАЙ, Астана қаласы.

The post Қаланы қандала қаптады appeared first on Қазақия газеті.

Ақмола, Қостанай, Павлодар, Шығыс-Қазақстан, күндіз Жамбыл, Маңғыстау, Қарағанды, түнде Қызылорда облыстарында 15-20 м/с дейін жел күшейіп,күн күркірейді, Ақмола облыстарында кей жерлерде тұман түседі деп күтілуде. Ақтөбе, Батыс Қазақстан, Оңтүстік Қазақстан облыстарында кей жерлерде жел жылдамдығы 15-20 м/с дейін жетеді.

Алматы облысында 15-20 м/с жылдамдықпен шаңды дауыл тұрып, күн күркірейді. Солтүстік Қазақстанда 15-20 м/ дейін жел тұрып, күн күркіреп,бұршақ жаууы ықтимал. Күндіз Алматы, Жамбыл, Шығыс Қазақстан және Қарағанды облысының жекелеген жерлерінде аптап ыстық болуы мүмкін.

Республиканың оңтүстік, батыс, оңтүстік шығыс және орталық бөлігінде өртке қауіпті жағдай сақталады.

The post Еліміздің көптеген аймақтарында жаңбыр жауады appeared first on Қазақия газеті.

Аталған Заңды Қырғыз Республикасының Жогорку Кенеші 25 маусымда мақұлдаған еді. Заң ресми жарияланған күннен бастап күшіне енеді.

Естеріңізге сала кетейік, Н.Назарбаевтың бастамасымен дүниеге келген Түркі академиясына қатысты аталған келісімге 2012 жылдың 23 тамызында Бішкек қаласында қол қойылған болатын.

Келісімде «құрушы төрт мемлекеттің үшеуі құжатқа қол қойып, мақұлдаса Түркі академиясы ұйымы халықаралық мәртебе алады» делінген. Бұған дейін аталған заңды Әзірбайжан мен Түркия Парламенттері мақұлдап, Президенттері қол қойған болатын. Осылайша заңды ратификациялаған елдердің саны үшке жетті.

2010 жылы Астанада ашылып, Қазақстанның қолдауымен жұмыс істеп келген Түркі академиясы алдағы бір айдың ішінде түгел түркі халқына ортақ халықаралық ұйым ретінде жұмысын бастайды.

The post  А.Атамбаев Түркі академиясына қатысты құжатқа қол қойды appeared first on Қазақия газеті.

Салтанатты шараның ашылуында Сәңкібай батыр атындағы қоғамдық қордың төрағасы, батырдың сегізінші ұрпағы Совет Байқадамов бұл ескерткіштің көпшіліктің қолдауымен жасалып, көрнекті жерден орын алып отырғанын атап өтті. С.Байқадамовтың айтуынша, Ақтөбе қаласы, Мұғалжар, Темір, Байғанин аудандарының әкімдіктері мен кәсіпкерлері, қаладағы ірі компания басшылары, жалпы жұртшылық үлес қосқан.

Кезінде батыр әрі би, халқына пайдасы тиген бай болған, сөз таласына келгенде ұрпақтары: «Қыдырды үш көрген Сәңкібайым бар» деп шалқыған Сәңкібай бабаға қой-
ылған ескерткіш те сәнді шығыпты. Мүсінші Жеңіс Жұбанқосовтың қолынан шыққан сұлу мүсіннен батырдың да, бидің де келбетін анық байқауға болады.

Бердібай КЕМАЛ.

The post Батырға арналған ескерткіш appeared first on Қазақия газеті.

The post Еліміздің батысында ыстық болса, солтүстігінде жел соғып, бұршақ жаууы мүмкін appeared first on Қазақия газеті.

Қазақтың қара шаңырағын нұр төгетін шам-шырақтарға айналдырған — қандасымыз Мейрам Қабдырахманұлы. Шараны ҚР Мәдениет министрлігі Тіл комитеті, Мемлекеттік тілді дамыту қоры, «Қайсар елім» компаниясы бірлесіп өткізіп отыр.

Шараға қоғам қайраткері Мырзатай Жолдасбеков, Тіл комитетінің төрағасы Мақсат Ысқақ, Мемлекеттік тілді дамыту қорының президенті Азат Шәуеев, ақын Несіпбек Айтұлы, тарих ғылымдарының докторы, профессор Қаржаубай Сартқожа, алаштанушы ғалым Тұрсын Жұртбай, жазушы Мырзакелді Кемел, Сауытбек Әбдірахманов, Серік Ерғали, Ғалымбек Қызырбекұлы секілді қоғам қайраткерлері мен ұлтжанды азаматтар қатысты. Айтпақшы, Ер Жәнібектің 300 жылдығына арналған дүбірлі той осыдан екі ай бұрын Алматыдан басталып, Астананы басып Шығыс Қазақстанға аттанған болатын. Тіптен, той Қытай мен Монғолияда жалғасын тауып жатыр. Сол киелі бабаларымыздың ақыл-парасаты мен қан кешкен күресі арқылы сақтап қалған қазақ жерінде  батырдың ұрпақтары тектілігі мен іскерлігін көрсетіп жатыр. Алыстан ата жұртқа оралған қандастарымыздың  заман талабына сай жаңа жетістіктерімен тәуелсіз елімізді қуантуы — жұртқа үлгі, елге мерей. Атап айтсақ, Ғалымбек Қызырбекұлының «Электронды қазақ үй –  зияткерлік құралы» халықтың алқауына бөленсе, енді Мейрам ағамыздың  шаңырақтары шам-шырақтарға айналып, қала үйлеріне көрік беретін болды.

Мырзатай Жолдасбеков: «Мен Мейрамдай ініме ақылшы болғаныма мақтанамын. Мейрам Киелі  шаңырақты  жарық шығаратын шам-шырақтарға айналдырды. Бұл біздің рухани дүниемізге қосылған үлкен құндылық». Қазақтың  шаңырағы, тал бесігі мен  қазан-ошағы — әр қазақтың жүрегінен орын алатын ұлттық киесі. Ұлттық рух беретін, ата-баба аманатын ардақтауға жетелейтін мұндай жетістіктер енді қазақ қалаларының көркіне айналатын болды. Осылайша заман мен қоғамның  өміріне ата-бабамыздың да киесі де араласатын болды. Енді ұрпақтарымыз шаңырақтан құйылған нұр астында білім алып,  ас ішетін болады. Бабаларын еске алып, аманатын ардақтайтын болады.  Бұл да тәуелсіз елімізге қосылған  үлкен үлес. Алла киелі шаңырағымыздың жарығын сөндірмесін!

Бейсен Ахметұлы

The post Шаңырақ үлгісіндегі шам-шырақтар көрмесі өтті appeared first on Қазақия газеті.

«Ет тәттілігін қойса, мен ұрлығымды қояр едім» дейтін кәнігі барымташылар оңтүстікке апарып, малды да «бөлшектеп» сатып жатыр. Шымкенттің қара базарын қан сасытқандар ештеңеден тайынбайды. Бір-екі бас, он бас былай тұрсын, өткенде 50 бас ірі қара өрістен қайтпай қалды. Бұл әлбетте ел ішінде «мал ашуы — жан ашуына» әкеп соқтырды. Құқық қорғаушылар із кесті. Осылар-ау деген күдікпен алты адам ұсталып, тергеуге алынды.

Учаскелік полиция  инспекторы 14 адамның қолды болған малын өздеріне қайтартып берді. Күдікті төртеудің екеуі уақытша тергеу абақтысына қамалып, қалғаны қолхатпен уақытша босатылды деп мәлімдеген еді құқық қорғау органдарының өкілдері.

Бұл әлбетте мал ұрлығымен айналысатындарға сабақ болмаған сыңайлы. Онан соң да, бұл аудан мал ұрлығынан «жарыстың» мәресін ешкімге бермепті.

-Қызылорда облысы бойынша мал ұрлығының шырғалаңы әр түрлі қоғамдық пікір қалыптастыруға дейін барды. Жаңақорған ауданында 8 сотталушы 22 жәбірленушінің мал қорасына, сондай-ақ мал жайылымына 15 мәрте  ұрлыққа түскен. Олардың дені кәмелет жасы толмағандар. Ірілі-ұсақты ұрланған малды есептегенде 7 315 000 теңге шығын келтірген, — дейді кәмелетке жасы толмағандар ісі жөніндегі мамандандырылған ауданаралық соттың төрағасы А.Әбу мырза.

Осы іс бойынша, жәбірленушінің де, куәлардың да көп болуына байланысты сот процесі көшпелі мәжіліске ұласты. «Барымташылардың екеуі сотталып, мүлкі тәркіленді.Тағы екеуі бас бостандығын шектеуге сотты болды», — деп хабарлады соттың баспасөз орталығы. Қалған төртеуі жәбірленушілермен ымыраға келген. Келтірген шығынның орнын толтыруға уағдаласқан. Қылмыстық іс қысқартылған. Демек, барымташыларға толық тойтарыс берілмеді.Тиісті жазасын алған жоқ деген сөз. Енді кімнің малы қорадан ұшты-күйлі жоғалмақ?

Жеткер Жүсіп, Қызылорда

The post Барымташылардың жолы болмады appeared first on Қазақия газеті.