«Біздің бүгінгі жұмысымызды бастау үшін қажетті кворум жиылды»,– деп бастады сөзін Қабиболла Жақыпов Парламент Мәжілісінің V шақырылымының төртінші сессиясының ашылу салтанатында. Осыдан кейін Мемлекет басшысы Н.Назарбаев ҚР Парламенттің төртінші сессиясының жұмысы ашық деп жария етті.

Қос палатаның бiрлескен отырысында Нұрсұлтан Назарбаев «халық қалаулылары» өміріндегі маңызды саяси оқиға туралы мәлімдеме жасады. Ол 2008 жылғы қазанда сайланған Парламент Сенаты депутаттарының өкiлеттiк мерзiмiнiң аяқталуына байланысты жаңа сенаторларды сайлау мерзiмi биылғы жылдың 1 қазанына белгіленiп отырғанын еске салды. Мемлекет басшысы елiмiздiң жоғарғы заң шығарушы органына 16 өңiрден бiр-бiр депутат сайланатынын айта келіп:«Парламент Сенатына сайлауға дайындық ашық, жария түрде өтiп жатыр және қоғамда шынайы қызығушылық туғызып отыр. Халық арасында саяси белсендiлiк пен ұлттық мәдениет артып келедi, сондықтан бiздiң алдымызда әдiл де ашық сайлау өткiзу мiндетi тұр. Азаматтардың құқықтары мен бостандықтарын құрметтеу, Конституция нормалары мен қағидаттарын сақтау ҚР тұрақты демократиялық дамуының кепiлi екені сөзсiз. Осыны естен шығармағанымыз абзал», – деді.

Естеріңізде болар, осы жазда Бурабайда инвесторлар форумы өткен еді ғой. ҚР Президенті сонда инвесторларға Қазақстанға әкелінген инвестициялар бойынша нақты қандай салаларда, қандай түрде, қандай преференциялар мен қолдау көрсету түрлерi қарастырылатынын атап көрсеткен болатын. Президент аталған жұмыстарды әлі тереңдетіп жалғастыра беру керек екенін айтты. Сондай-ақ, ол заң шығару жұмысы бойынша тиесілі құрылымдық реформаларды атап өтті: бiрiншiден, жаңа буын кодекстерiн, яғни кәсiпкерлiк және азаматтық-процессуалдық кодекстердi қабылдау жұмысын аяқтау керек. Екiншiден, тиiмдi инвестициялық жұмыс үшiн төрелiктi толыққанды дамыту қажет.

Елбасы бүгiнгi күнi инвесторлардың, әсiресе шетел инвесторларының дау туындаған жағдайда көбiнесе шетелдiк төрелiк инстанцияларға жүгiнетiнін тiлге тиек ете келіп:

– Бұл бiздiң сот жүйесi мен олардың қабылдайтын шешiмдерiне деген сенiмнiң төмен екендiгiн бiлдiредi. Бiзге нелiктен ортақ халықаралық стандарттарға сәйкес жұмыс iстейтiн отандық төрелiктi дамыту туралы шаралар кешенiн қабылдамасқа? Бұл да шетел инвесторларының бiзге деген сенiмiне қатысты мәселе болып табылады. Үкiметке 2015 жылдың 1 сәуiрiне дейiн «Төрелiк туралы» бiрыңғай заңды әзiрлеп, Парламент қарауына енгiзуiн тапсырамын», — деп шегелеп қойды.

Қағазбастылықтан арылу қажет

Озық өркениеттер ғылым мен білімнің жаңа сатысына аяқ басқан заманда, біздің ел әлі де қағазбастылықтан құтыла алмай жүргені ешкімнен жасырын емес. Қара халықтың өмірі де, жеке бизнестің өрісі де мемлекеттiк түрлі қызмет көрсетудің жетілмеуінен, оңтайлы ұйымдастырылмауынан зардап шегуде. Әлдебір құжат алу үшін күнұзаққа кезек күту үрдісі сонау советтер заманынан жалғасып келеді. «Өшіреттің» шеті көрінен емес. Елбасы осындай жайсыздықтарды болдырмас үшін электрондық үкiмет қызметiн кеңейту керектігін ескертіп, Үкiметке 2017 жылға дейiн қолданыстағы барлық мемлекеттiк жүйелер мен дерекқорларды электрондық үкiмет платформасында ықпалдастыруын тапсырды. Сонымен қатар, жеке кәсiпкерлiк субъектiлер жұмысын тоқтату мәселесiн оңтайландыру қажеттiгiн жеткізді.

– 2016 жылдың 1 қаңтарынан бастап инвесторлар үшiн «бiр терезе» принципiнiң қолданылуын кеңейту мiндетiн қоямын. Бұл принцип басымдық беріліп отырған жобалар бойынша инвестициялық келiсiмшарттарға отырған инвесторлар үшiн келесi жылдың 1 қаңтарынан бастап жұмыс iстеуi керек, -деп түйіндеді Н.Назарбаев.

Осы ойын әрі қарай жалғай отырып, ол мемлекеттік басқару уәкілеттілігі жаңаша құрылған жаңаҮкімет мемлекеттік аппарат жұмысындағы қағазбастылықты, көп сатылы бірін-бірі қайталауды азайтатындығына сенім білдірді. Сондай-ақ,үкіметтік отырыста қаралатын 60-70 сұрақтың тек қағаз жүзінде қалып қоймауын ескертті.

«Бүгінгі экономикалық жағдайда Үкімет стратегиялық мақсаттардың жүзеге асырылуына назар бөлуі керек. Енді әрбір министр өзі жауап беретін салада барлық уәкілеттілікке ие болуы керек және өз жұмысын өзге органның мойнына жүктеп қоймай, жауапкершілікпен жұмыс істеуі керек. Бұл талапты заң арқылы қадағалау қажет», -деп тұжырымды мемлекет басшысы.

«Рұқсат беру мен хабарламалардың электрондық форматқа көшiру жұмысын жалғастыру керек. 2015 жылдың iшiнде үкiмет рұқсат беру көлемiн 50%-ға қысқартуы тиiс. Бұған қоса, бизнеске жүргiзiлетiн тексерiс көлемiн азайту қажет», — дедi Н.Назарбаев.

Президент, сонымен қатар, кедендiк процедуралар санын да азайту керектiгiне назар аударды:

– 2015 жылдың 1 қаңтарынан бастап кедендiк бақылау кедендiк жүйе кезеңiнен тауарды шығарылғаннан кейiнгi кезеңге өтуi тиiс. Ағымдағы жылдың соңына дейiн отандық экспорттаушыларды қолдау мақсатында жүктi тасымалдау құнын арзандату, кедендiк рәсiмдеу және оларды ұстануды бақылау мерзiмiн қысқарту бойынша шараларды әзiрлеу керек. Үкiметке Кеден одағы туралы келiсiмге халықаралық сәйкес келу сертификаттарын қолдануда техникалық реттеу ережелерiне енгiзудi қолға алуын тапсырамын. Бұл бiздiң кәсiпкерлердiң шығынын айтарлықтай қысқартуға мүмкiндiк бередi»,– деп түйiндедi ойын.

Депутаттар демалысты азайтсын!

Жаз  – көпшіліктің демалыс маусымы. Бұл мезгілде парламент депутаттары да жаппай жазғы демалысқа шығады. Ел ішінде қалғаны көкке аунайды, шетел асқандары алыс жағалаулар құмына қыздырынады. Мемлекет басшысы уақытты тиімді пайдалану мақсатымен осы демалыс мерзімін қысқарту туралы ұсыныс жасады.

– Мен де, Үкімет те, Президент әкімшілігі де, барлық атқарушы органдар күн сайын қызу жұмыста жүреміз. Оны сіздер, депутаттар, білесіздер. Сондықтан, сіздерге айтар аздаған өтінішім бар: депутаттардың жазғы каникулын қысқарту туралы мәселені қарап, жөні келсе, екі палата  ортақ шешім шығарса. «Нұр Отан» фракциясы бұл мәселені сіздермен бірлесе қарайды деп ойлаймын. Ол жағын өздеріңіз шешесіздер. Оның үстіне, бұған дейін бұл мәселе өз араларыңызда да бірнеше рет талқыланғанын білемін. Маған да ұсыныс айтқан болатынсыздар. Депутаттардың каникулы қысқарту қысқарса, олар да халық игілігі үшін барлық мемлекеттік органдармен бір «ритмде» жұмыс істеуге мүмкіндік туар еді», – деді Н.Назарбаев.

Жемқорлықпен күрестің ұзақ жылдық стратегиясы жасалады

Әлемде жемқорлықтан ада мемлекет жоқ шығар. Дегенмен, ТМД аумағында Ресейден кейінгі жемқорлықпен аты шыққан ел – Қазақстан. Оған қалай намыстансаңыздар да өздеріңіз білесіздер, бірақ бұл – шындық. «Бүгiнгi күнi құқықтық салада сыбайлас жеморлықпен күрестiң тиiмдi жүргiзiлуiне бағытталған бiрқатар реформа бар. Дегенмен, бұл жеткiлiксiз болып отыр. Жыл соңына дейiн 2025 жылға дейiнгi ҚР Сыбайлас жемқорлыққа қарсы стратегиясын қабылдау қажет. Елімізде қызметтiк өкiлеттiктi пайдакүнемдiк мақсатта қолдану тиiмсiз болатындай жағдай жасау қажет. Бұл саладағы үздiк әлемдiк тәжiрибенi қолдануға  тиіспіз», –дедi Н.Назарбаев.

Жемқорлықтың жегі құртына айналған  саланың бірі – мемлекеттік сатып алу деген «майшелпек». Ебін тапқандар мен «көкесі» барлар нақ соның арқасында қазынаның қаражатына қолын салып, қол салғанда мол салып, үрлеп ішіп, шайқап төгіп отыр. Президент Үкiметке кәсiпкерлер мәселелерiн шешу және сыбайлас жемқорлық қауiпiн төмендету үшiн 2014 жыл соңына дейiн мемлекеттiк сатып алулар туралы жаңа  заң жобасын Парламент қарауына енгiзудi тапсырды. Сондай-ақ, бұдан арғы сөзін еліміздегі агроөнеркәсіптік кешенін дамыту мәселесіне қатысты өрбітіп әкетті.

Агрокешеннің  ақшасын шашып алмайық

Бүгінде республикада агроөнеркәсіп саласында 7 мыңға жуық ірі агрофирмалар, ауыл шаруашылық өнімдерін шығаратын 184 ұйым жұмыс істесе, 2 миллионнан астам адам кәсіп етіп, күн көреді. Биыл бұл саланы дамыту үшін 302 млрд. теңге жұмсау көзделген. Осы қаржының 40 млрд. теңгенің қайтарымы болады болжанған. Биылғы берілген субсидия көлемі одан арғы жылмен салыстырғанда екі есеге көбейген. Нұрсұлтан Назарбаев осы қаржыны тиімді пайдаланып, ысырапқа жол бермеу керектігін де ескертті.

«Жыл басынан бері несие және лизинг түрінде 6,6 мың агробизнес субъектісі 72 млн. теңге көлемінде көмек алған. Ұлттық қордан бөлінген 100 млрд. теңгенің 25 млрд. теңгесі өңдеуші өндірістің жобаларын жандандыруға бағытталады. Бірақ, беріліп жатқан қаражатты тиімді пайдалану қатаң бақылауға алынуы, субсидия өзінің тиімділігін байқатқан кәсіпорындарға берілуі, агроөнеркәсіп кешенін дамытуға бағытталған шаралар заңнамалық тұрғыда қадағалануы керек. Үкіметке жыл соңына дейін ауыл шаруашылығы кооперациялары туралы заң жобасын әзірлеуді тапсырамын. Бұл қадамның қажет екенін білеміз, уақыт талабы сондай, сондықтан, кооператив жұмысын бір ізге салып, тиісті деңгейіне дейін дамытуымыз қажет, – деп түйіндеді Н. Назарбаев сөзін.

ҚР Президенті Нұрсұлтан Назарбаев қос палатаның бірлескен отырысының соңында енді бір айдан соң уәкілеттілігі аяқталатын сенаторларға алғыс айтты.

Дәулетқали АСАУОВ

The post Бірлескен отырыс не бітірді? appeared first on Қазақия газеті.

- 2005-2009 жылдары Әділет министрлігін басқарған кезеңде Парламент Үйіне заң жобаларын қорғау үшін жиі келсек, қазір Үкімет дайындаған заң жобаларын талқылаумен, оған өзгерістер мен толықтырулар енгізумен айналысамыз.

Заң жобаларын дайындаумен, оны Парламент мүшесі ретінде талқылаумен жақсы таныспын. Менің еліміздегі заң шығару ісіне деген көзқарасым Үкіметтен Парламент Үйіне келген соң өзгерді дей алмаймын. Заңдардың өміршеңдігі деп – белгілі бір уақыт аралығында қоғамның дамуына оң әсерін тигізетін құбылысты айтуға болар. Мемлекеттің тәуелсіздік жылдарында жеткен жетістіктері, экономикалық-қаржылық дағдарыс кезеңдерінен жаңылмай өтуіміз, халықтың тұрмысының жақсаруы, қоғамда демократиялық қағидалардың тұрақты жұмыс істеуі – Қазақстан заңдарының өміршеңдігінің басты өлшемі деп ойлаймын.

-Қазіргі үкімет заң жобаларын қаншалықты деңгейде әзірлейді? Әсіресе, заңның қазақша нұсқасы мен орысшасы сәйкес келмейтіні туралы сын айтылып жатады. Расымен солай ма?   

- Бұл жерде екі түрлі нәрсеге назар аударғым келеді. Жасыратыны жоқ, бүгін заң жобасын дайындайтын топ орыс тілінде әзірлеп оны мемлекеттік тілге аударуға береді. Филологиялық білім алған аудармашы мамандар күрделі құқықтық нормаларды, заң жобасының басты қағидалары мен тұжырымдарын дұрыс түсінбеуі қалыпты жағдай.

Міне, бірінші мәселе осы тұста туындайды. Орысша мәтінінде түсінікті, нақты жазылған жобаның қазақ тілді мәтіні дәл құқықтық әрекеттер мен нормаларды бұрмалап, қате түсіндіреді. Енді бірнеше жылда қазақ тілін еркін меңгерген заңгерлер заңдарды мемлекеттік тілде әзірлеп, оны орыс тіліне аударатын жағдайға келеміз. Бұған мен сенімдімін. Әзірше заң жобасын аударатын мамандар командасын құқықтанудан толық хабары бар аудармашылардан жасақтауға көңіл бөлу қажет деп ойлаймын.

Екінші мәселе – құқықтық терминологияны жетілдіру жұмысы. Бұл да қысқа мерзімде шешіле салатын түйін емес. Үкімет дайындаған заң жобаларының қазақша мәтінінде кездесетін қателіктерге құқықтық, басқа да салалық терминдердің әртүрлі түсіндірілуі себеп болып жатады.

Қолданыстағы терминдер мен олардың қазақша баламалары бірізділікке түскен соң, заңгерлер мен депутаттарға мемлекеттік тілдегі заң мәтіндеріндегі талас тудыратын тұстар күрт азаяды деп сенемін. Өмірімізге жан-жақтан еніп жатқан техноло-
гиялық жаңашылдықтың әсері- ең алдымен, тілімізге әсер етуі заңдылық. Түркі әлеміндегі қазақтың бай, әдемі тілі деп мойындалған ұлттық тілімізді болашақ ұрпақтар үшін сақтап, оларға аманат ету үшін мемлекет пен қоғам бірлесіп күресуде. Осы майданда Мәжіліс депутаттарының ерекше ұмтылыстарын қоғамдық өмір көрсетіп отыр.

-Заңдардың көбі қабылданып кеткен соң оған толықтырулардың, өзгертулердің жиі енетіндігін қалай түсінуге болады? Бұл заңның осалдығынан ба, әлде, қоғамдық өмірдің тым жедел дамып жетілуінен бе?  

- Қандай ежелгі қоғам болмасын адамзат сол уақыт шегінде жинақтаған танымы мен білімін өзінің өмірін реттейтін заңдарды шығаруға қолданған. Әрбір қабылданған заң сол дәуірдегі қоғамдық сананың деңгейін, рухани өркениеттің көкжиегін көрсетеді. Уақыт өзгереді. Уақытпен бірге адам және қоғам да бірге өзгереді. Адамзат баласына Жаратушының берген қасиетті сыйы – өркендеп өсуге, жақсылық пен дамуға деген шексіз құлшынысы. Жер бетіндегі дамудың басты генераторы да адамның осы табиғаты емес пе?! Қазақстан Парламентінің өнімділігін басқа елдердің заң шығарушы органдарымен ұялмай салыстыруға тұрады. Қазақ елінің Парламенті жыл сайын орташа есеппен  140-150 заң жобасын қабылдайды. 4-ші сайланған Мәжіліс мақұлдаған 493 жоба заң күшіне енді. Мәжілістің жаңа құрамының қызметі де осындай нәтижелі болатынына мен сенемін. Заманның және уақыттың талабы осындай.

Енді сіздің сұрағыңызға келейік. Қазақстандық заңдар осал, олар жиі өзгереді дегенге заңгер болсын, заң шығарушы ретінде болсын мен келіспеймін. Заңдар өзгереді. Өзгерістер әрбір қазақстандықтың өмірін жақсартуға жұмыс істейді. Өз кезегінде, жас тәуелсіз мемлекетіміз, азаматтарымыздың өмірі күннен-күнге, жылдан-жылға өркендеу мен дамуды қажетсінеді. Жаңа заңдарға, жаңа құқықтық нормаларға деген сұраныс ешуақытта азаймайды. Қазақстанның қарқынды өсуіне бастайтын заңдардың қоғамда, Парламентте талқыланып, қабылдануының толассыз жүруі біз үшін өте маңыз-ды.

- Жалпы еліміз парламенті кәсіби заң шығарушы органға айнала алды ма?

- 90-жылдардағы Жоғары Кеңес пен қазіргі қос палаталы Парламентті салыстыруға болмас. Бұлай тұжырым жасауыма Жоғары Кеңестегі және Мәжілістің екі сайланымындағы депутаттық тәжірибем мүмкіндік береді.

Мәжілістің барлық 4 сайланымындағы еңбек еткен әріптестерім заң шығару практикасын жетілдіре отырып, мемлекет пен ұлттық мүддеге жұмыс істеді. Жаңа жүйедегі парламентаризмнің қалыпты дамуына бірегей үлес қосты.

Осының бәрі түптеп келгенде, заң шығару ісінің кәсіби сипатта дамуына негіз салды. Кәсіби Парламенттің дамуы – ұзақ жүретін процесс. Саяси жүйені жетілдіру үшін, экономикалық, қаржылық, әлеуметтік және мәдени салалардың дамуы үшін де басқа елдердің тәжірибесін саралап, өзімізге қажетті жолды табуымыз керек. Еліміздің бүгінгі шыққан биігі басқа елдермен салыстырғанда, мақтануға тұрарлық. Бірақ, Елбасы біз үшін тағы да биік межелерді белгілеп, соған жетудің бағдарын өзінің халыққа Жолдауларында көрсетіп келеді. Аз уақытта құнды тәжірибе жинаған кәсіби Парламентіміз Қазақстанның Тұңғыш Президентінің стратегиялық басымдықтарын жүзеге асыруға қабілетті деп ойлаймын.

- Бүгінде гендерлік мәселе төңірегінде әр қилы  пікір бар. Батыстан келген осы ұғымның біздің қазақы менталитетке жаттығын айтады, оған қарсы топ. Елімізде құқықтық тетіктері арнайы заңмен дәйектелген бұл мәселенің  шешімі қандай нәтиже беруі мүмкін?

- Мен қазақстандық қоғамдағы әйел мен ерлердің құқығы туралы пікірлерде жаттанды, механикалық тұрғыдан мына көрсеткіш аз, мына пайыз көп деген пікірлерге аса сақтықпен қараймын. Мысалы, Мәжілістегі депутат әйелдердің саны — 26, пайызға шаққанда — 24%. Мемлекеттік органдардағы көрсеткіштер бірнеше пайыз жоғары немесе төмен болуы мүмкін. Жылдан-жылға лауазымды қызметке тағайындалып жатқан әйелдер саны өсіп отыр. Бұның бәрі қуантады.

Мемлекеттік бағдарламалардың арқасында соңғы он жылда туу көрсеткіші бір жарым есеге, халықтың табиғи өсімі үш есеге артқан. Отбасы мен аналарды қолдаудың нақты нәтижелері осындай.

- «Отан отбасынан басталады» дегендей, әрбір шаңырақтың бақуатты тұрмысы, берекелі бірлігі — мемлекеттігіміздің берік негізі. Өкінішке орай, бүгінде қылаң беріп отырған  жағдайлар, осы институттың  қалыптасқан ірге тасына өз сызатын түсіріп жатқандай ма? Мәселен, азаматтық некелер, шетелдіктерге тұрмысқа шығу, тастанды балалардың көбеюі секілді мәселелер… Осының себебі неде деп ойлайсыз? Және бұдан арылудың жолын қайдан көресіз?

-Жаңа заманның біз үйренуге тұратын жақсы үлгілерімен қатар, жиренетін жаман тұстары да аз емес. Соның қатарына жас жігіттеріміз бен бойжеткендеріміз тез қабылдайтын «ғасыр дертіне» жатқызылатын – нашақорлық, ішімдік пен шылым шегуге әуестік бар. Бұның сыртында сіз айтып отырған келеңсіз жайттар біздің қоғамға уақыттың әсерімен келіп отырған құбылыстар.

Жастар арасындағы көп проблемалар әлеуметтік-экономикалық, қаржылық түйіндерге келіп тіреліп жатады. Айтылған ойларды қорытатын болсақ, қоғамның заман ырғағымен өзгеруі — заңды құбылыс. Батыстың көңіл көтеру индустриясы ұсынатын қызықтарға қарсы біз жастарға балама ретінде не ұсынып отырмыз? Әзірше, ештеңе.

-Отбасының діңгегі болуға тиіс әйелдер бала-шаға асырау қамымен басын тауға да, тасқа да соғуда. Сонымен қатар қызмет қуып, мансап көксейтін замандастарыңыз да аз емес. Осы үрдісті қалай қабылдайсыз? Ұрпақтың то-
лыққанды тәрбиесі үшін әйел үйде отыру керек дегенге қалай қарайсыз? Сіздіңше, жалпы, бүгінгі заманның әйелі қандай болу керек?

-Жаңа ғасырда әйелдер үйде отырып, тек отбасы мәселелерінен аса алмайды дегенге сенбеймін. Мықты, жігерлі әйел бәріне де уақыт табады. Отбасы бақытын сақтап, ер-азаматын құрметтеп, сәби сүйіп, оларды тәрбиелеп, қызметке де араласады. Дәл осындай қазақ әйелдерін, қазақстандық әйелдердің көбін білемін. Өзім өмірден түйген өз тәжірибеме сүйеніп, осылай айта аламын. Әр нәрсенің атқарылатын өз уақыты болады. Жас шағыңда оқып, білім ал. Өз уақытында тұрмысқа шық. Биологиялық жағынан толысқан жаста сәби көтер. Осындай әйелдердің табиғатына ғана тән маңызды кезеңдерден кейін қызметке араласудың да мезгілі пісіп жетеді.

Айтылған істерді атқарып жүріп алған біліміңді, кәсіби дәрежеңді жоғалтып алма. Бұның бәрі оңай шаруа емес, бұл мүмкін емес дейтіндер табылады. Бәрі өзімізге байланысты. Адам өз тағдырын өзі таңдайды. Өзі жасайды.

-Сіздің әрбір сұраққа жауабыңыз дайын. Қашан да байсалды қалпыңыздан танбай, кез келген сұраққа сенімді, нық жауап бересіз. Бұл өзіңіз өткен қызмет мектебінің арқасы ма, әлде отбасындағы тәрбиенің жемісі ме? Жалпы отбасындағы тәрбие қалай болу керек? 

- Сіздердің сұрақтарыңыз қаншалықты мазмұнды болса, жауаптарымды да нақты, мағыналы беруді жөн көрдім.    Адамның қалыптасуы үшін көп факторлар әсерін тигізеді. Француз жазушысы, құқықтанушы, философ барон Монтескьенің айтқанын білесіз ғой: «Адамдарды көп заттар басқарады: ауа-райы, заңдар, дін, басқару принциптері, салттар мен пейілдер». Мінез-құлқымыз бен іс-әрекеттерімізді түсіндіру үшін де тәрбие алған және тұлға болып өскен ортаны білу маңызды.

Мен өзімді бақыттымын деп санаймын. Маған тұлға болып қалыптасуыма әкем мен анамның, өскен ортамның әсері зор болды. Адам мен қоршаған кеңістіктің гармониясын, айналаңдағы адамдарды, табиғатты сыйлап ғұмыр кешудің үлкен бақыт екенін үйреткен ата-анам болды. Таңғы құстардың әуенін, көктемде мұзды тесіп шыққан бәйшешектің әдемілігін алғаш көрсетіп, содан қуат алуды үйреткен де әкем.

Кім болса да, ең басты тәлім мен тәрбиені отбасынан алады. Одан кейінгі өмір жолыңда әкенің өнегесімен,  ананың сүтімен дарыған қасиеттер күш-қуат береді. Есейген шақтағы оқыған, жұмыс істеген ортаның әсерін де төмендетуге болмас. Отбасында бастапқыда қаланған іргетас кейінгі ересек өмірде қисайып кетпеуге көмектеседі. Бойыңды тік ұстауға үйретеді.

- Бүгінде енелер институтының ролі неге түсіп кетті? Өзіңіз әйел, ана, келін, жар ретінде ененің ұрпақ тәрбиесі, шаңырақ бақытындағы рөлін қалай бағалайсыз? 

- Бүгінгі сүйкімді ару – ертеңгі адал жар, ақылды ана, мейірімді әже. Алға ұмтылған елдің бойжеткені де, бозбаласы да өз жауапкершілігін жақсы сезінуі керек. Ұрпақ тәрбиесіндегі маңызды сұрақ бар. Ол – ұлымыз бен қызымызға олардың жеке тағдырына немесе жеке отбасының алдында ғана емес, тұтас ұлтымыздың алдында да жауапты екенін үйрету.

Жолдасым екеуміздің мамаларымыз бір шаңырақтың астында жарасып өмір сүруде. Өмірде көпті көрген, кемеңгер екі ананың немерелерінің арасындағы бақытын көрудің өзі үлкен күш береді. Менімше, бүгінгі кезде енелердің беделі түсіп кетті деген сөзбен келіспеймін.

- Сіз үшін өмірдің мәні неде? Бақыттың формуласы қандай? Жалпы осы уақыт ішінде жүріп өткен жолыңыз, өзіңіз шыққан қызметтік сатыларыңыз сізге нені ұқтырды?

-Жастармен болатын кездесулерде Елбасының айтқан сөзін әрқашан қайталап жүремін. «Бақыт бағалаған адамның ғана қолында болады». Өте дәл айтылған тұжырым. Мен үшін бақыттың басты формуласы – отбасындағы бақыт, балаларымның  бақытты өмірі. Елімізде бақытты отбасылар көп болса деп тілеймін.

The post Зағипа БАЛИЕВА, Мәжілісінің депутаты: «Өміршең заң ғана адам игілігіне қызмет етеді» appeared first on Қазақия газеті.

Қызыл билетін сандығының түбіне сары майдай сақтап жүрген «советтік сарқыншақтар»: «Ескерткіш сол қалпында сақталып қалуы керек. Ол – тарих!»,- деп шыр-пыр етеді, кейінгі буын үстіндегі ескі шапанын сыпырып алып, тыржалаңаш қалдырғалы отырғандай. Құдды, сол ескерткіш қазіргі қазақ қоғамы үшін де үлкен идеология құралы дерсің… «Қызыл шапанын» құртсақ, оның орнын су жаңа «көк шапан» басатынын неге түсінгілері келмейді екен, ә?..

«Көк шапан» дегеніміз – еліміздің бірде-бір қала орталықтарына «бұйырмаған», Алаш арыстарына арналған ескерткіш. «Солардың рухы разы болсын!»,- дегісі келмейді-ей, біздің шалдардың! Жарайды, өзі бодан болған екен, ал, неге Тәуелсіздіктің тәубе етерлік игілігін немере-шөберелеріне қиғысы келмегендей қасарыса береді?!

Бұл мәселені бізден бұрын facebook әлеуметтік желісі арқылы белгілі журналист Нәзира Байырбек көтерді. Ендігі кезекті тақырыпқа қатысты білдірілген парықты пікірлерге берейік…

Нәзира Байырбек: – …Ашаршылықтың пәлен жылдығын, репрессия күнін атап өтіп жүргеніміз ресейліктердің ашуын туғызғанын білеміз. Ашаршылықтың
80 жылдығына байланысты жиын өтіп жатқанда, Ресейдің Елшісі ашуланып, шығып кетті көз алдымызда. Сонда «Велика Россия» деген жазу Алматымыз-
дың ең әдемі жерінде тұрғанда, біздің жастар, азат ойлы азаматтар бұған ашуланбауы керек пе, қалай ойлайсыздар?

Айдос Сарым: – Панфилов дивизиясының ерлігі дау туғызбайды. Бірақ, 28 панфиловшы деген – қолдан шығарылған тарих. Журналистердің ойлап тапқаны. Клочков жаңағыдай сөздерді тіпті айтпаған. Сондықтан мен саябақтағы ескерткішті алып тастап, орнына 20 дүниежүзілік соғыс құрбандарына арналған, оның ішінде Түркістан легионында күрескен қандастарымызды да ескеретін ескерткіш қою керек деп есептеймін.

Әміржан Қосанов: – Жалпы, Кеңес Одағы кезінде тұрғызылған барлық ескерткіштерге қайта ревизия керек деп ойлаймын. Әрине, тарихты қайта жаза алмаймыз. Ата-бабаларымыздың Мәскеуді қорғағаны рас. Бірақ, олар Мәскеуде жүріп, ең алдымен, өз Отанын,  Қазақстанды қорғады! Солардың арқасында фашистер жерімізге жете алмады. Ал «Ресей» деген жазуды алып тастау керек! Басқа сөздер табуға болады. Мәселен, сол шайқасқа қатысқан Бауыржан Момышұлының сөздерін.

Гүлмира Аймағанбет: – «Тарих қолдан жасалады. Басында кім тұр, қалам соның ыңғайына кетеді». Қазіргі тарихты жазып жүрген ағамыздың өз сөзі. Сондықтан қолдан жасалған кейбір тарихқа құлдық ұруды қояйық! Санамыздың сілкінетін уақыты әлдеқашан келді ғой.

Көктүрік Алтай: – Таңғаламын! «Тәуелсіз ел» деп жер-суға сыймай, танауымыз желбірегенде сондаймыз. Тіпті, бұл мәселені талқылауға салмай-ақ, Үкімет біржақты етуге тиіс деп ойлаймын. Бірақ, ондағылардың рухы бос. Санасы биік билік қазір жоқ! Эстония ештеңеге қарамай, Таллиндегі совет солдатын алды да тастады емес пе?!.

Құралай Шубаева: – Кеңес үкіметі біздің тарихымызды күлге көміп, талай ескерткіштерімізді тоз-тозын шығарып қиратқанда, біз неге отаршыл билік орнатқан ескерткішті, айтылмаған жалған ұранды далитып төрімізде сақтауымыз керек? «Ескерткіш қалсын!» дейтіндер – менің ойымша, бойында намысы жоқ, қара басының қамын, жанының тыныштығын ойлайтын қорқақ, жалтақ адамдар! Әйтпесе, менің атам да майдангер болған. Ол кісі жарықтық: «Ұрпағымыз біз сияқты жалтақ болмай, тәуелсіз рухта өссе екен…»,- деп армандап отыратын. Бұл ескерткіш, түптеп келгенде, төрінен көрі жақын біздің ҰОС ардагерлеріне бір тиынға да керек емес! Орыстар болмаса…

Берік Шералыұлы: – Негізі Кеңес дәуірінде орыс халқынан басқа ұлт соғысқа қатыспағандай, солардың ескерткіші ғой барлығы! Мысалы, Щучинск қаласында мәңгілік алаудағы ескерткіште орыс пен украин ұлтының бейнесі тұр. Ең қызығы, орысша, қазақша және украинша жазып қойыпты астына. Қазақстанға украин тілі жетіспей тұр еді енді…

P.S. Басқа да бауырларымыздың ашынып айтқан ащы сөздері баршылық. Біздің міндет – оның бәрін тізбектеп отыру емес, жоғарғы жақтың қам көңілдерге медеу боларлық шешім қабылдауын талап ету. Енді Алматының төріндегі «Велика Россия» ұрпағымыздың ұранына айналмасын десек, анау ескерткіштің етегін жалтыратқан ерсі ұранды қазақы қалыпқа салып өзгертейік немесе бізге қарай кеудесін кере ентелеп тұрған орыс сарбазының мүсінімен қоса құртайық! Екінің – бірі! Бұл ретте, биік билікке қазақтың арқасында жайғасқан шен-шекпенділердің елді елеңдете бермей, еркін пікірмен санасуы шарт. 

Еркеғали БОЛАТҰЛЫ

The post «Велика Россия» кімге қажет? appeared first on Қазақия газеті.

Здесь возникает справедливый вопрос – каково будущее областных Департаментов экологии, в том числе по Актюбинской области? Понятно, что ожидаемы сокращения штатных сотрудников. Недаром президент страны выразил недовольство, в целом чрезмерной численностью госслужащих – начиная с 2003 года, произошло увеличение чиновников разных мастей  на 8,5 тысяч, к 2014 году они составляют более 90 тысяч человек. Также понятно, что и функциональные обязанности экологов будут уменьшены в разы: полномочия в сфере развития рыбного хозяйства, управления водными ресурсами, лесов, животного мира переданы Министерству сельского хозяйства. Что думают, специалисты по охране природно-окружающей среды по причине реформирования правительства было бы некорректно оставлять без внимания. Собственно говоря, поэтому мы и обратились  к консультанту, ветерану экологической службы Бекмухамбетову Жасулану Кереевичу:

- Указы не обсуждаются, указы выполняются. Дело в том, что пока не вышло положение о Министерстве энергетики. Мы можем только сидеть, ждать и гадать, что и как будет. Выйдет положение, в котором все будет расписано, станет ясно. Возможно, расширятся права Департамента экологии, например, часть функций областного управления природных ресурсов передадут нам, или все может, случится наоборот. Могу сказать одно, факт остается фактом – бумаг оборот был большой, утонули в бумажных согласованиях, предписаниях и т.п. Президент сказал, что мы должны приближаться к мировым стандартам, о чем и говорит нынешняя реформа. Ничего не должно стоять на месте, иначе будет застой.

- Скажите, если провести сравнения по деятельности всех бывших министров от экологии, можно сказать – что кто-то из них принес больше пользы или больше вреда?

- Вы поймите об одном, министерство это не какой-то свободный орган, не общественная организация; это государственный, уполномоченный орган. Перед министром государство ставит задачи – он его выполняет в рамках закона и нормативных актов, он не имеет права устраивать на рабочем месте анархию. А кто, как работал, как оценивать его работу и тому подобное – для этого есть президент. Я могу лишь привести один образцовый пример, касающийся деяний экологов: если раньше АЗФ в советское время осуществлял сбросвредных веществ в атмосферу в пределах 20 тысяч тонн в год, то сегодня около 5-6 тысяч. А, через два-три года завод построит газотурбинную станцию, где выбрасываемый ферро газ будет в процессе переработки использоваться на выработку электроэнергии.  Это, как раз говорит о соответствии мировым экологическим стандартам. Кстати, не надо забывать – 40% загрязнения воздуха у нас в городе приходится на автотранспорт.

В заключении добавим, жители Актобе не раз жаловались на то, что в разных точках города «вырастает вроде, как мини-заводик» по производству асфальт укладочного материала, где копоть и гарь, с едким запахом образуя черный дым, поднимается в небо темным облаком. Их возмущение с гражданской позиции подкреплялось мыслью – что, неужели нельзя такое производство строить подальше от жилых массивов, за чертой города? Прояснил данную ситуацию начальник отдела государственной экологической инспекции Сатимов Нурай:

- Вы имеете в виду асфальтобетонный завод, который имеется у компании «Актобегордорстрой». Да, в этом году поступали жалобы от граждан города на пыль, смог в районе парка Первого Президента. Это не переносной «мини-заводик», практически он стационарный, по своему мобильный, он монтируется и демонтируется в зависимости от месторасположения объекта. Первое обращение было в апреле-мае месяца, по данному факту мы направили письмо в соответствующие органы. В связи с тем, что действует указ на мораторий по проведению внеплановых проверок в отношении субъектов малого и среднего бизнеса – выяснилось, что ТОО «Актобегордорсторой» относится к средней структуре бизнеса. С нашей стороны был направлен запрос о необходимости внеплановой инспекции, нами были представлены в министерство фотографии и собранные материалы по замерам границ СЗЗ предприятия (санитарно-защитная зона) по превышению ПДК. Все проверки по таким моментам открываются генеральной прокуратурой, согласуются вышестоящим центральным исполнительным органом – ответ пока не поступил. У нас есть Национальная палата предпринимателей, в число которых входит и «Актобегордорсторой», где должны приниматься меры по экологическому регулированию между членами внутри своей организации по спорным вопросам. Мы же контролирующая госорганизация — по этому факту информация доступна населению, об этом писали газеты, говорило телевидение. За последние два месяца нам не поступало каких-либо нареканий, не было выявлено дополнительных фактов, что «где-то там дымит». Мы продолжаем отслеживать границы СЗЗ города, в программу департамента заложено мероприятие, где мы еженедельно выезжаем, делаем замеры.

Шолпан Шолом, Актобе

The post Экологов «поделили» между энергетикой сельским хозяйством appeared first on Қазақия газеті.

Елімізде бейресми түрде «екінші үкімет» деп әспеттелетін «Самұрық-Қазына» АҚ инвестициялық жобаларды жүзеге асыруда көш басында көрінді.  Биыл олар қуаттылығы 45 МВт болатын Ерейментау жел электр станциясын пайдалануға бермек.  Ол бұл жаңа құрылым «ЭКСПО-2017» көрмесін энергиямен қамтамасыз етеді екен.

ҰӘҚ-ның бизнесті дамыту жөніндегі бас директоры Берік Бейсенғалиевтың айтуынша, қор жобалары аясында аумағы 135 мың шаршы метр «жасыл орам» құрылысы жүргізілуде, нысанның жартысын тұрғын үй құрайды, қалған бөлігі коммерциялық алаңдарға беріледі. Бұл нысандардың инновациялығы мен даралығының кереметтігі соншалық, олар инновациялық материалдармен салынады, онда климатты да бақылай алады екен.

Аталмыш ғимаратта ылғалдылықты, ауаның тазалығын автоматты түрде сақтайды, өзі реттелетін жылыту жүйесі бар көрінеді. «Жасыл алқап, оның ішінде — шатырда, геотермалдық жылу сорғылары, күн энергиясымен жылыту және басқа да көптеген инновациялық элементтер болады», — деп отыр бас директор.

Сонымен қатар, химия және мұнай химиясы саласындағы инвестициялық жобаларды жүзеге асыру аясында «Тараз» және «Атырау» еркін экономикалық аймақтары (ЕЭА) құрылған екен. Бірінші ЕЭА аумағында 14 ірі жоба салынады, нақты айтқанда биыл натрий цианидін өндіретін зауыт құрылысы басталған. Атырауда полиэтилен мен полипропилен өндіретін жобалар дайын тұрған көрінеді. Бас директордің сөзіне қарағанда,  шығарылатын өнімдерді өткізу нарығы — Қазақстан, Ресей, Қытай, ТМД елдері екен.

«Инновация» атты тылсым құпиясы мол,  ерекше бір зертханада, керемет ғалымдар жасайтын дүние секілді елестей беретін-ді. «Бақсақ бақа екен» демекші, батыстық қарапайым бір жігіт зерігіп отырады екен де, «Facebook» дейтінді ойлап таба салған екен. Сонымен, небары  26 жасында миллиардер болып шыға келіпті ғой. Ал, оны барша ғалам инновация жемісі  деп тамсанып жатқаны бәрімізге мәлім. Сонда бұл инновация деген не деп түсіндірме сөздікке үңілсек,  «innovates» (in-болгох+novus-жаңа) деген латын сөзінен шыққан депті.

Олай болса, оның жаңа идея екені белгілі. Қоғамда зор сұранысқа ие, нарықта өз орнын тауып орнығып кететін жаңа өнімнің, көрсетілетін қызметтің ерекше түрі, тыңнан түрен салатын технология. Алайда, Қазақстанда осыны ойлап таптық делік. Бірақ, ақша жоқ болса, тың идеямен қайда бара аламыз. Мысалы, мен жаңа идеямды яғни, инновациямды кепілдікке қойып банктен несие алуыма бола ма? Әрине, мүмкін емес, тіпті есігінен де қаратпайды.

Олай болса, бізде инновация қалай дамымақ? Шын мәнінде, Қазақстан халқы жүз пайызға жуық сауатты. Қазір жоғары білім алу жағынан келгенде алдыңғы қатарға өтіп кеткен шығармыз. Осындай биік әлеуетті елдің азаматтарында жаңа идея тумайды десек, қатты қателескен болар едік. Мысалы, ана жылы Қарағандыдағы «Дарын» мектеп-интернаттың түлегі Әсия Құсайынованың Қазақстан климатына икемделген жел қозғалтқышы жобасы халықаралық ғылыми-инженерлік конкурста жеңіп шыққанын «Азаттық» радиосы хабарлаған еді.

Бойжеткен АҚШ-та өткен байқауда «Климат және энергетика» категориясы бойынша бірінші орынды жеңіп алып, үш мың АҚШ долларын және «Үздік инженерлік жұмыс» деген атақ алып, бес мың АҚШ долларын сыйлыққа алған. Сонда біздегі мектеп оқушысының өзі осал емес екендігін мұхиттың арғы жағына барып қана мойындатты. Сол идеяны осыған дейін көріп, қолдап, инновацияға айналдырсақ кім қолымызды қағып отыр?

Жалпы мұндай тың идеяларды қолдауға өзге жұрт жомарт екен.  Соның бірі — Америка Құрама Штаттары. Мысалы, оларда венчурлы инвестициялық қор (venture-бақ сынап көру) дейтін бар екен. Жалпы шығын шықпай табыс та кірмейтіні белгілі жайт. Мол табыс әкелетіндігіне сенгенде ғана инвесторлар тәуелкелге бармақ. Айталық, АҚШ  венчинвесторлардың тың идеяларына арнап жылына ІЖӨ-нің 0,2 пайызына тең қаржы бөледі. Есесіне одан 21 пайыз-
дық деңгейде табыс табады екен.  Венчқорлардың бір ерекшелігі, банктер секілді несие таратып қойып, қол қусырып отырмайды. Керісінше, несие алған  компанияға алғашқы күннен бастап қолдау көрсетіп, бірлесіп жұмыс істейді, сол арқылы өзіндік үлесін де алады. Соңғы мәліметтерге қарағанда, американдық 11,9 миллион азамат венчқорынан ақша алып өз ісін жаңадан бастаған. Бұл АҚШ-тағы өзін өзі еңбекпен қамтушылардың  11 пайызын құрап отыр.

Жалпы тәуекелшіл байлар жастардың тың идеяларын қолдап, оларға табыс табары, тақырға отырары белгісіз болып тұрған кезінің өзінде  қаржы құяды. Соның арқасында бүгінде «Apple», «Intel», «Cisco» секілді компаниялар әлемге әйгілі болып отыр. Американың венчинвестиция тарихында Лоуренс Рокфеллер деген қаржыгер елеу-
лі рөл атқарған екен. Ол бір топ ағайындардың бірлесіп құрған «Venrock Associates» фирмасына және «Intel», «Apple Computer» секілді көптеген компанияларға ең алғашқы болып көмек қолын созған. Осындай жомарттық пен ізгі ниеттің арқасында бүгінде олар әлемге аты мәшһүр өндіріс ошақтарын қалыптастырып, ел-дің гүлденіп дамуына орасан зор үлес қосып отыр.

Ал, өкінішке орай,  біздің әл-ауқатты адамдарда ондай отаншылдық та, түйсік те жоқ. Көбінесе, бұрынғы шенеуніктер қазіргі бизнесмен байларға айналған. Ұрлаған-жырлаған ақшаларын шет елдің банктеріне апарып тығулары мүмкін. Тығады да. Және оны қалай заңдастырып алуды да жақсы біледі. Ал, ел игілігіне жаратып жатқандары шамалы. Екінші деңгейдегі банктер ақшадан ақша тудыруды ғана місе тұтып, екі пайыздық өсіммен шет елден алған несиесін жиырма-отыз пайызбен халыққа таратып, елдің үстінен күн көріп отыр. Жаңа идеяларды қолдау туралы ой біздің байлардың  жуық арада миларына кіретін мәселе емес.

Жалпы, инновацияны тек қана тың идеяның аясында түсінсек тағы жаңсақтық болатын секілді. соңғы 20 жылда әлемде кең өріс алған білім мен біліктілік төңкерісімен байланысты инновация ғылым мен технология салаларымен тығыз сабақтастырылып түсіндірілетін болды. Шын мәнінде, ол тың идея мен жаңа білімді байлыққа айналдыратын факторға айналды. Ал, «жаңа білім» дегеніміз  ғылым мен технология-
лық іс қызметтің нәтижесінде пайда болған экономикалық, әлеуметтік мәселелерді шешуге бағытталған, патенттелген зияткерлік туынды болып табылады.

Кезінде оны әйгілі Бернард Шоу «Сенде бір алма, менде бір алма, екеуміз оны алмастырсақ, әрқайсымыз жалғыз жемісімізбен ғана қала береміз. Ал, идея алмассақ, біріміз екеу болады» деген екен. Расында, білімді, ақпаратты, идеяны өзара алмасуға болады және оны қолданысқа енгізген сайын жоғалмайды, керісінше ол беретіндіктен экономиканы дамуға жетелейтін таусылмас байлық.

1980-жылдардан кейін АҚШ пен  Еуропа елдерінің экономикалық көрсеткіштерінің күрт өсуінің сыры білімді қолдаудың, оны дұрыс бағалаудың және іскерлікке баули білгендігінің нәтижесі көрінеді. Мәселен, Израил, Малайзия, Сингапур, Оңтүстік Корея секілді елдер соңғы 20 жылда жоғары дамыған елдерді қуып жетіп, білімге негізделген экономикаға көшіп үлгерді.

Жерінің көлемі жағынан бізден 80 есеге аз, 60-жылдық қана тарихы бар, табиғи байлықтан құралақан Израиль елінің ІЖӨ бір адамға тиесілі үлесі бізден әлдеқашан көп, яғни,  29,200 АҚШ долларына жетіп отыр.  Дамудың мұндай жетістігінің құпиясын зерттеген ғалымдар оны да инновацияны лайықты қолдағандарымен түсіндіреді. Ғылым мен технология саласына қаржы аямаған, азаматтарының біліктілігіне ерекше назар аударған Израил венчкапиталдың бір адамға тиесілі көлемі жағынан АҚШ-ты әлдеқашан басып озған.

Экономикалық өсім жағынан келгенде біз де көштен қалып отырған жоқпыз. ІЖӨ-нің жалпы көлемінің индексі одан бұрынғы көрсеткішпен салыстырғанда 107,5 пайызға артқанын ҚР статистика жөніндегі агенттігі хабарлап жатады. ІЖӨ-ді салаға бөліп қарастыратын болсақ, өндіріс ауқымы 11,3 трлн.теңге немесе 43,2 пайызды құрайтын көрінеді. Ауылшаруашылығы, аң және балық аулау 5 пайыз немесе 1,4 трлн. теңгені құрап отыр. Өнеркәсіптің үлесі 31,5 пайызға жетті, бұл 2 трлн.теңгеге тең. Өкінішке қарай, аталмыш өсімнің көп бөлігіне табиғи байлықты, шикізатты игерудің есебінен жетіп отырмыз. Жер бетінде таусылмас ештеңе жоқ. Сол кезде не технологиясы жоқ, не өзіндік өнімі жоқ қазақ елі қайтып жан бақпақ. Осы сұрақтың жауабына бас қатыру бәрінен маңызды болып тұр.

Бұл тұрғыдан келгенде, біздің инновацияшыл үкіметтің қарымы қандай деңгейде екенін күнделікті өмірдің өзі айшықтап тұрған жоқ па?

Ризабек АЛТАЙБАЙ

The post Инновацияшыл үкіметтің қарымы қандай? appeared first on Қазақия газеті.

Қызылорда облысы, Қармақшы ауданы, Жосалы кентінің тұрғындарынан Сіздің атыңызға 18.03.2014. 09.05.2014 және 16.07.2014 жылғы  жазылған ашық хатымыздың біріншісіне 275 тұрғын, екіншісіне 31 тұрғын, үшіншісіне 117 тұрғын  қол қойып үкілі үмітімізді жолдағанбыз. Міне, осы үшінші рет жазылған хаттан кейін сең қозғалды. Алдымен бұл хат республикалық тәуелсіз «Қазақия» газетінде жарияланған болатын.

Осы мақаланың әсері ме, мұнан кейін аудан прокурорының бастамасымен аудан орталығындағы Мәдениет үйінің үлкен залында  жиналыс өтіп, су мәселесі жөнінде аудандық комиссия құрылды. Комиссия қыстақ орталығындағы тұрғындармен кездескенде, хатта жазылғандай, ауыз судың тәулігіне екі сағат ағатынын растады. Мұнан кейін іле-шала тамыздың 7-де аудан орталығына су жеткізіп тұрған «Октябрь топтық су құбыры» мекемесінің нысандары мен ұңғымаларының  қазіргі жағдайын тексеру үшін аудандық прокуратура, әкімшілік, кент тұрғындарынан құрылған комиссия  топтық нысандарды аралап шықты.

Міне, осы жұмыс барысында ішуге жарамсыз су айдап, кейіннен жабылған «Сарыөзек» су құбырының әлі күнге ашық тұрғаны байқалды. Ашық тұр дегеніміз, су айдау насосының вентиліне пломба салынбаған. Пломба тек ток тарату жәшігіне ғана салынған. Оның өзінде пломбада ия нөмір, немесе басқалай белгі жоқ. Жабайы пломба. Мұның өзі, біздің осы ұңғыма жарамсыз су айдайды-ау деген күдігімізді ұлғайта түсті. Сондай-ақ,  Иіркөл, Жаңажол ауылдарында жаңадан салынған су сақтау және су айдау кешендері  бірнеше жылдан бері қаңырап бос тұр екен. Пәленбай миллионға салынған бұл кешендер керек болмаса неге салынған деген сұрақ туындайды. Енді бұған жауапты осы саланың жауапты адамдары бере жатар.

Бір қызығы, кент тұрғындары, әкімшіліктен, ауыз су тарату мекемесі және аудандық прокоратура өкілдерінен тұратын топтық комиссия өз жұмысын жүргізіп жатқан күні  аудан әкімшілігі жанынан құрылған,  ішінде аудандық мәслихат депутаттары А.Үсенов, Бодыбаевтар бар топ кент ішінде ауыз су жөнінде өз жұмысын жүргізді. Бұл не сонда, «үй ішінен, үй тігу» ме, әлде аудан мен  тұрғындар тарапынан құрылған комиссияға сенбей, өз алдарына тексеру ме? Халықтың атынан сайланған депутаттар шынымен де халыққа жаны ашыса халық сайлаған топтық комиссия құрамына келіп кіріп жұмыс жасамай ма?

Осы жоғарыдағы жұмыстардың қорытындысын жақын арадағы  комиссия шешімінен күтіп отырмыз. Сонымен қатар, менің ашық хатымда 2006-2013 жылдар аралығында Жосалы кентінде және  Интернационал, Төребай би, Иіркөл, Дүр Оңғар  елді мекендерінде жүргізілген ауыз суға қатысты құрылыс жұмыстарына байланысты сұратылған құжаттардың бірде-бірі осы бүгінге дейін берілген жоқ. Себебі, бұл мәселеге жауапты облыс деңгейіндегі прокурорлар. Атап айтар болсақ,  Ғ.Тобажанов, Р.Райхановтар әдейі құйтырқылықпен осы күнге дейін созбалаңға салып келеді. Неше түрлі түлкібұлаңға салған Р.Райханов 04.07.2014 жылғы берген жауабында: «Сіз облыс прокурорының қабылдауында болдыңыз, осы мазмұнда жазылған хатыңызды қанағаттандыруға негіз жоқ» деген. Ал, Қармақшы ауданының прокуроры  Б.Мырзабаевтың өз ісінің маманы емес екендігін 11.08.2014 жылғы басқармаға берген өтірік жауабынан көруге болады. Мұндай прокурорлар жалған жауабымен ел алдында адал қызмет көрсете алады деп айтуға Қармақшы халқының аузы бармайды.

Кеше ғана, Бас прокурордың алдында мемлекетімізге адал қызмет  атқарамын деп берген уәдесін тәрік етті Б.Мырзабаев. Демек, халық алдында абыройсыздыққа ұшырады. Сондай-ақ, М.Маханбетжановқа да тапсырылған жұмыс доптай домалап аяқсыз қалды.  Аудан әкімі  Н.Шамұратов пен орынбасары Ә.Қарқынбаев және «Октябрь топтық су құбыры» мемлекеттік мекемесінің басшысы Қ.Есдәулетов  аудан халқының судан көріп отырған қиыншылықтарын жоққа шығарып отыр. Елбасының халыққа жолдаған жолдауларын  жұрт алдында өтірікке ұштастыруда. Ішуге зар болып отырған ауыз суды төбесінен құйып отырмыз деп Үкімет пен Елбасын бүгінгі күнге дейін алдап отыр. Бұл жұмыстың қолдан қолға өтуіне не себеп болып тұрғаны құпия түрде қалуда.

Бұл жөнінде облыс басшылары Қ.Көшербаев пен И.Оңғарбаевтар да хабардар. Бірақ, мізбақпастан отыр. Неге екені белгісіз! Ал сала жетекшісі И.Оңғарбаевтың «Казсушар» РМК-ның басшыларына не айтып отырғанын бір Алла ғана білетін шығар. Кеңес дәуірінің заңында аз да болса әділдік бар еді. Ол уақытта халықтың атынан жазылған мынандай арыз түссе талайы партиядан шығарылып, қызметінен босатылып, тіпті сотталып та кететін еді. Біздің егеменді еліміздің заңын биліктегілер осылай ойыншық етіп отыра бермек пе? Осындай әділетсіздіктен кейін келешек ұрпақтың биліктегілерден қандай тәрбие алатыны жөнінде ойлаудың өзі бойыңда үрей туғызады екен…

Ғани Сақтапбергенұлы Алиев , Қызылорда қаласы

The post Аудандағылар қашанғы сіздерді алдай береді? appeared first on Қазақия газеті.

2015-2017 жылдарға арналған бағдарламалық-мақсатты қаржыландыру бойынша сайысты өткізу барысында алғаш рет басты бағыттарды анықтау тәжірибесі қолданылмақ екен. Премьер-Министр К.Мәсімовтың төрағалығымен ҚР Үкіметі жанындағы Жоғары ғылыми-техникалық комиссияның отырысында аталмыш мәлімет айтылды.

Сонымен қатар,  ғылыми-техникалық қызметтің нәтижесін коммерциялау мәселесі де назардан тыс қалған жоқ. Қазақстанда 2014 жылы ҚР білім және ғылым министрлігі мен Дүниежүзілік банк жүзеге асыратын «Технологияларды коммерциялау» жобасы аясында 710 млн теңге көлеміндегі қаржылай қолдауға 16 жоба ие болған екен.

Министрліктің мәліметінше, жалпы 2014 жылы ҚР БҒМ «Технологияны коммерциялау орталығы» ЖШС технологияларды коммерциялау гранттары бағдарламасына қатысуға 2014 жылы берілген жалпы өтінім саны 526-ке жеткен.  Білім және ғылым вице-министрі Такир Балықбаевтың мәлімдеуіне қарағанда, «Технологияны коммерциялау» жобасының жалпы бюджеті 9,5 миллиард теңгені құраса, оған республикалық бюджеттен 7,5 млрд теңге бөлінбек.

«Бағдарлама мақсаты – өтініш берушілердің идеяларын коммерциялау, технологияны лицензиялау мақсатында оларды қаржыландыру, стартап компаниялар құру мен алдыңғы қатарлы халықаралық тәжірибемен жоғары технологиялы өнім сату», — дегенді ерекше атап көрсетті құзырлы министрліктің орынбасары.

Гранттық қаржыландыруды бөлу 2 бағыт бойынша жүзеге асырылады. Сонымен, тұжырымдаманы негіздеу, техникалық құжаттаманы жасау және оны сертификаттау 22 млн теңге көлемінде 6 айға дейінгі мерзімде қаржыландырылады, өнімнің өнеркәсіптік үлгісін жасау 18 айға дейінгі мерзімге 74 млн теңгені бөлуді қарастырады.

Бұдан өзге, ғылыми қызметкерлердің аға және төменгі топтарына гранттар бөлу бағдарламасы жүзеге асырылуда. Осылайша, бүгінде қаржыландыру жалпы сома 4,5 млрд теңгеге 33 ғылыми жобаға жасалмақшы екен.

«Қаржыландыру көлемі мынадай: аға ғылыми қызметкерлер үшін 1,5 млн долларға дейін болса, төменгі санаттағы ғылыми қызметкерлер үшін 600 мың долларға дейін», болатындығын Т. Балықбаев мәлімдеді.

Айталық, Қарағанды мемлекеттік техникалық университетін жанынан Халықаралық материалтану орталығы ашылған. Аталмыш  орталықтың мақсаты заманауи зертхана орталығының үлгісін жасақтау, ғылым саласындағы жүйелік қызметті дамыту және ғылыми журнал, веб-портал секілді түрлі ақпараттық ресурсты жасақтауды көздейді.

«Бұл жобаны жүзеге асыруға 300 млн теңгеге жуық қаражат бөлінді, бүгінде бұл орталық жұмыс жасап, әлемдік зертханалар деңгейіне жетуге ұмтылады», — деп қортындылады вице-министр.

Білім  мен ғылым саласында жасалатын қызметтер мұнымен шектелмейтін сыңайлы. Қыркүйек айына қарай техникалық білім беру саласын реттейтін 17 нормативтік-құқықтық актіге өзгертулер енгізу жоспарланған, деп мәлімдейді ҚР Ұлттық кәсіпкерлер палатасының (ҰКП) басқарма төрағасының орынбасары Нұржан Әлтаев.

«Қазіргі таңда кәсіпкерлік маман тапшылығы бар. Соның ішінде орта деңгейдегі мамандардың жетіспеушілігі көзге ұрып көрініп отыр. ҚР БҒМ-мен бірлесіп, 17 нормативті-құқықтық актіге өзгертулер енгізілді, бұл өзгертулерді ведомствоаралық комиссия бекітті. Таяу арада оларды Үкіметке енгізіледі, қыркүйек айына дейін бұл 17 акт өзгертіледі деген үміттеміз», — деді Н. Әлтаев.

Оның айтуынша, аталған өзгертулер ҚР ҰКП, ҚР БҒМ мен Еңбек және халықты әлеуметтік қорғау министрлігі арасында құрылған меморандум аясында енгізіледі. Құжат сонымен қатар «Білім беру туралы» заңға өзгертулер мен толықтырулар енгізуді қарастырады.

Еліміздің 400 кәсіпорны үшін 10 мыңнан астам маман Дуалды оқыту жол картасы бойынша даярланады, деп мәлімдеген Нұржан Әлтаев «400 кәсіпорын бүгінгі таңда 10 мыңнан астам маман дайындауға өтінім берді», — деп ерекше атады.

Оның мәліметіне қарағанда, дуалды оқытуды енгізудің жол картасы өңірдің 11 басым саласынан тұрады, олардың ішінде ауыл шаруашылығы, ветеринария, экология, металлургия, машина жасау, медицина, фармацевтика, энергетика, тау-кен өнеркәсібі, құрылыс, коммуналдық шаруашылық, сервис, басқару және көлік бар.

Жол картасында 2015-2019 жылдарға арналған өңірлердің үдемелі индустриялды-инновациялық даму мемлекеттік бағдарламасы аясындағы жобалары мен облыстардың әрқайсысы бойынша басым салалар енгізілді. «Әр облыс бойынша кәсіпкерлерге қажетті мамандықтар тізімі жасалған, бұл мамандықтардың жалпы тізімі 83 мамандықты құрады. Тізімге 173 колледж енді», — деп түсіндірді палата басшысының орынбасары.

Сонымен қатар, ол қазіргі уақытта колледждерге тапсырыс беретін кәсіпорындардың арасында 3-4 тарапты келісім-шартқа қол қою процесі басталғанын айтты. «Кәсіпкерлік мамандарын дайындау барысында білім беру процесіне белсенді араласады. Олар оқушылардың оқу уақытының 60 пайызын тәжірибе мен жұмыста өткізуі үшін тәжірибелік алаң ұсынады. Осы орайда кәсіпкерлік студенттердің стипендиясын төлеуді де мойындарына алып отыр. Ең бастысы, оқу біткеннен кейін жұмыспен қамтамасыз етіледі», — дейді. Осылайша, реформадан көз ашпаған білім мен ғылым саласы енді нақты қадам жасауға тырысып жатыр. Бұған қарап салаға жан кірген бе деген ойда қалады екенсің.

Ризабек Алтайбай

The post Реформадан көз ашпаған салаға жан кірді ме? appeared first on Қазақия газеті.

Мен, Гүлбақыт Кызылташ, Атырау облысының және Атырау қаласының әкімдеріне 2012 жылдан бері апатты жағдайда тұрған баспанам туралы 4-5 рет хат жаздым. Алайда, менің құлаған үйдің астында қалуым мүмкін деген жанайқайым басшыларға жетер емес. Енді «Қазақия» газеті арқылы облыс және қала әкімдеріне жеткізуді жөн көрдім.

Атырау қаласында биылдың өзінде қаңтардан осы жазға дейін 800-дей әртүрлі санаттағы отбасыларға, оның ішінде авариялық жағдайдағы 100-ге жуық отбасына жаңа пәтерлер берілді. Бірақ ең қызығы, соншама пәтер беріліп жатса да, 2011 жылдан бері 182-ші кезектен 164-ке ғана жылжыппын. Тұрғын үй-коммуналдық шаруашылық мәселесін қарайтын Қарағаев мырзаға кіре алмай жүргеніме екі жыл болды. Ол кісі аптасына бір күн ғана қабылдайды. Қабылдау кезінде халықтың көптігі соншалық, тап-тар дәлізде сығылысқан кезек арасында терлеп-тепшіп, қан қысымым көтеріліп, 5-6 сағат тұрған кезде хатшы қызынан «бастық срочно жиналысқа кетейін деп жатыр, кезекке тұрмаңдар» немесе «акиматқа шақырып жатыр», болмаса «Қарағаев Астанада, орнына орынбасары қабылдайды» деген сырғытпа жауап естимін.

2 жылдың ішінде былтыр 1 рет орынбасарына кіріп, жағдайымды айтуға мүмкіндік алдым. Ол кісі маған «үйіңіздің осынша қиын жағдайда екенін әкімге айтуға кеңес беремін, бүкіл «полномочия» бізге жоғарыдан келеді деп әкімшілікке сілтеді. Облыс әкімінің қабылдауына оңайлықпен жазбайды, сыртқы «кіргізу бюросында» отырған қызметкер әйелдер дікеңдеп, қақшаңдап «келушінің реңіне қарай» жауап береді, мені 3 рет барсам да қайта-қайта қала әкіміне сілтеді. Реңіне қарай дегенім, жұмсартып айтқаным. Мусиннің немесе Рысқалиевтің кезінде де қабылдауға жазылу қандай қиямет болса, қазіргі кезде де өзгере қоймады. Бұл қиямет «записьті» жасаушылар немесе ұйымдастырушылардың масқара «услугаларын» естіп, оны жазуды жөн көрдім. Жарбосынов көшесінің бойындағы дәл мен сияқты баспанасы апатты болған бір әйел Б.Ізмұхамбетов мырзаға кіру үшін былтыр «бюродағы» әйелге 5 мың теңге беріп, «доступ» алған жағдайын айтып, еңіреп жылап, 1 ай ішінде СМП-да салынған көп қабатты үйден пәтер алып алды. Ал, бала-келіні, немерелері сол ескі үйде қалып кетті. Ол әйелдің «подругасы» да әкімшіліктің «бюросындағы пысықайға» 2 мың теңге мен шоколадтар апарып, облыс әкіміне кіре алды және ақылы оқудағы баласына жәрдем сұрады.

Осы сияқты «тізімімде» айтарлықтай «жаңалықтар» көп, мен оларды түртпектеу мақсатында емес, парақорлықтың әкімшіліктің «подвалынан» басталатынын дәлелдеу мақсатында жазып отырмын. Басқа пәтер иелерін айтпағанда, «Нұрсая» шағын ауданының өзіндегі таныстарымның пәтер кезегінде көп күттірместен қалай «пәтерге ие болғандары» немесе кімге қанша пара беріп, тезірек баспаналы болғандары туралы «хикаялары» бір кітапқа молынан жетеді. Олардың түгелге дерлігі, банктерден алған кредит ақшаларын (кейбірі көліктерін сатқан) тек пәтер алу үшін «қамқор қызметкер мырзалар мен ханымдарға» сыйлық ретінде ұсынғандарын айтып отыр. Ал сол параларды алған тұрғын үй секторына қатысы бар әкімшіліктегі қызметкер мырзалар мен ханымдардың қаладағы ең қымбат ресторандарда апта сайын емес, күн сайын бой көрсететіндері ешкімді таңдандырмайды.

Қарағаев мырзаның бір жауабында «ваш вопрос будет рассмотрен» деген еді, ол қашан «рассмотрен» болады? Сосын маған «басқалармен бірдейсіз, сізге артықшылық (привилегия) жасалмайды, кезекті күтесіз» деген жауабына менің айтарым: «Маған артықшылық жасалуын сұрап отырғаным жоқ, тек өзіме заң жолымен тиесілі пәтердің кезегін әділ жолмен жылжытуын сұраймын, әрі өзім «елмен бірдей» болсам да, баспанам елдікімен бірдей емес, яғни 1962-67, 1970 жылдары салынған үйлер «авариялық» деп саналып, не «сносқа» кетіп жатқанда менің  1949-50 жылдары салынған баспанам үшін бұл жерде «бірдей» ұғымы қате. Майқы би бабамыз «Ханың ақылды болса, қара жерден кеме жүргізеді» дегендей, облысымыздың үлкен басшысынан ақылды да әділ әрекет күтемін. Жанымыздағы трассадан шұбырып жатқан ауыр не жеңіл автокөліктердің баспанамызды дірілдетіп, минут сайын «вибрировать» ететінін айтсам, сөз жетпейді. Бір ғана қыста ел-жұрт шат-шадыман көңіл-күймен жаңа жылға дайындалып жатқан кезде, мен бала-шағаммен үйдің ішінде пальто-күртелерімізді киіп, бүрсеңдеп тоңып, күркілдеп жөтеліп, балалармен қосылып ауырып отырғанымызды айтсам жеткілікті болар. Жаңа жылда «атылған» отшашуларды ойласам, жыным келеді, ел отшашуды (фейерверк) көруге асықса, бізге жақын Исатай-Махамбет алаңында атылған отшашулар әсерінен Жарбосыновта қисайып зорға тұрған үйімізді құлатып тастайтындай солқ-солқ еткізеді, әр дүрсілінде үйдің терезелерінен бастап қабырғалары да дірілдеп, тітіреп, төбеден құм саулап, теледидарымыз жыбырлап тұрады. Алаңдағы дүрсіл сағат 23-тен бастап 2 сағатқа созылады, көршілер де қарап қалмайды, коттедждерінен шығып, «нән бомбаларын» жерге байлап, жарысып жарып, жарқылдатып жатқаны. Ешкімнің қызығына не қуанышты мерекесіне тосқауыл бола алмаймын, әрине, баспанам апатты болмаса менде ешкімнен кем қалмай, балаларыммен қосылып «атып, жарып» дегендей өзімізше мейрамдар едім… Мейрам демекші, ең болмаса, үйде балалардың не үлкендердің туған күндерін не басқа қуанышты мерекелерін достармен, ағайын-туыспен бірге атап өтетіндей де мүмкіншілік жоқтығы көңіл-күйімді одан сайын төмендетеді, өзіңді сыйлайтын дос-жаранды, жақын-жекжатыңды шалқайтып үйіңнің төріне отырғызып, сый-сияпат жасап жүгіріп жүрген, шаңырағыңды көрсеткен жақсы емес пе? Өкінішке орай, мен баспанамның жағдайына байланысты төменшіктеп жүремін…

Міне, менің бар жағдайым, айтпағым осы. Мұны әкімдіктерге пәленбай рет жаздым. Бірақ сол арыздар мен өтініштерімді қазақ тілінде жазған едім. Енді орыс тілінде де жазуға тура келіп тұр. Орыс тілінде жазылса, мүмкін басқаша «реакция» болар, құзырлы органдар елеңдер деп. Мұнымды газет оқырмандары түсіністікпен қабылдар деп ойлаймын. 

Құрметпен,  Гүлбақыт Кызылташ

ЗАЯВЛЕНИЕ

 Уважаемый Бахтыкожа Салахатдинулы!

  С сентября 2013 по сей день я уже 5-ый раз пишу я вам и городскому акиму о состояний моего жилья. В последний раз убедительно прошу вас посодействовать в выделении жилье моей малообеспеченной семье по госпрограмме или по заключению ГАСК, которое имеется у меня  на законной основе. Дело в том, что я и моя семья (из пяти человек) живем в частной двухкомнатной квартире в аварийном доме «барачного типа» в 1949 г. постройки, расположенного по улице Б.Жарбосынова (бывш. Совдепа) д.117/1; в зоне подтопления, т.е. периодически заливается в паводки (половодья) подпертой водой, именно в дождливой погоде.  В настоящее время пристройка нашего жилья невозможна, т.к. наша квартира непригодна и находится она в критическом состояний. Жалуюсь на неудовлетворительные условия для проживания в квартире. Наше жилье грозит обрушением и представляет угрозу для моей семьи. За 64 года эксплуатации нашей квартиры в 2011 году при техобследования жилья сотрудниками атырауского  ГАСК-а установлены, что наша квартира из-задлительного переувлажнения и неоднократного промерзания в зимний период, вспучивания и просадки почвы имеют сильные повреждения выраженные в изломах камышитного дома, страшные деформации и перекосах стен, а фундамента вообще не существует, что привело потере несущей способности строительных конструкций. Но, в официальном заключении ГАСК, которое я получила через неделю, все эти «көріністер» были написаны кратко. Хочу донести до вашего сведения вся и всю правду о нашем жилье, что в нашей квартире имеем «хомуты» на стояках, заливаемые от веранды до спальной комнаты, также горе и несчастья моих детей, моего мужа и родной моей сестры, которые вынужденных жить в невыносимых условиях, отказывая себе во многом, все это очень тревожит меня.

Благодаря инспектору ЖКХ госпоже М.Нургалиевой в 2011 году я еле зарегистрировала свою квартиру в список «аварийных домов», если бы не она я еще ходила б по кабинетам, до этого я ходила несколько лет и не смогла встать в очередь из-за справки из ГАСК (в то время она была на платной основе у частных ИП), также другие справки, которые были недоступны для меня… Фундамент квартиры давно провалился в 80-ые годы, видны камышитные стены, последние время весь дом в воде, что практически невозможно ни зайти, ни выйти. Вода с потолка заливает прямо на электрический счетчик, несколько раз сгорели кабели, провода на стенах, поменяем их, через некоторое время снова такое зрелище, а рядом проходит газовая труба. От замыканий часто отключается свет, а напряжения электричества постоянно скакивает. Об этом знает все контролеры и инспектора «Атырау-жарык» нашего участка №6. Во избежаний пожара несколько раз звонила в ЧС-никам, они ссылаются на«Атырау-жарык», а электромонтеры посылают меня в горакимат… Короче все отфутбаливают и вижу сплошное безразличие к людям, которые исправно платят квартирную плату и все коммунальные услуги. Холодильник бьёт током, не просто кусает, а конкретно сильно, насквозь меня прямо, один свой сгорел,  другой был подруги, тоже сгорел (с А-энерджи), сперва подумали, что это сломался сам холодильник, вызвали мастера по обьявлению, он говорил, что с холодильником в порядке был, но в доме нет заземления, и электричество в доме жизненно опасно. Произойдет короткое замыкание и ток превысит норму, хотя проводка соответствующая, дом старый, будьте осторожны, не дай бог сгореть! В доме сильно протекает особенно с таянием снега и осенью, ведра с водой не успеваем выливать. Сгнившие деревянные окна, которые нельзя менять вместе с дверями, да крыша не поддающийся ремонту, прогнивший пол, идиотская планировка, камышитные стены внутри, к которым не прикрутишь даже карниз и т.п.так надоело меня, извините, что зла не хватает. Крышу как-то отремонтировали, но он оказался пустой затеей. Внутри квартиры все анормально, сырость, зимой холодно, хотя провели в квартире автономное газовое отопление. В дождь и слякоть не пройти от непролазной грязи. Насчет коротких замыкании, дома не только погаснет свет. Вода заливает кровати, телевизор, ковры, занавески и все электрические оборудования, что есть!  Квартира наша всегда заставлена тазами и ведрами, вещи и мебель затянули пленкой. В квартире проживает еще больной ребенок мой в 2010 г.р., который состоит на учете у врачей с 3-х месяцев рождения по ЧБД хронический бронхит и неврологическому заболеванию. Штукатурка стены отваливаются, стены ужасно потрескались, что не поддаются любому ремонту. В стенах живут маленькие насекомые, которых сложно разглядеть невооруженным взглядом и они кусаются, укус похож на укус комара (комаров тоже не подсчитать, естественно). С ними по соседству живут маленькие рыжие муравьи, которые тоже иногда кусаются и место укуса потом долго болит и долго заживает, черные тоже есть, но они более безопасны. Основную массу переловили, но каждую ночь еще слышны знакомые звуки насекомых. Потом когда откроешь, выходишь или заходишь домой, то вместе с открытием двери происходит долгожданное вторжение в квартиру летающих кусающихся друзей. В квартире протечки по 60% жилой площади. Кухней пользоваться нет возможности, так как там пошла по потолку и стенам черная плесень и куски штукатурки попадают в кастрюли. Целый месяц спали под полиэтиленовой пленкой, сейчас проживание в данном помещении просто не возможно. Все валиться с потолка, у всех проживающих в квартире появился аллергический кашель и хронический бронхит, что подтверждаются медицинскими справками. С потолка льется жидкость с отвратительным запахом, черного цвета разбавленная голубиным и кошачим пометом. Наша квартира постепенно оседает на глазах, на стенах комнаты огромные трещины, которые не поддаются ремонту, а от сырости и неприятного запаха прогнившего камыша и «сыпучего» потолка не знаем как избавиться. Мечтаем подышать о нормальном комнатном воздухе. У нас аллергия на запах и укус насекомых, нос чешется, глаз отекает, бронхи закладывают. Я боюсь, что не доживем мы до получения квартиры или сноса, т.е. не дай бог останемся под развалом? Очень переживаю за свои члены семьи, мне страшно становится. Особенно, страшно за ребенка, которого еще не родился, точнее, я беременна (срок 31 недели).  Вопрос предоставления жилья моей семье висит на воздухе, так как ваш заместитель по ЖКХ г-н Ж.Карагаев каждый раз сообщает мне, что «ваш вопрос будет рассмотрен» (я получила от его имени ответное письмо 3 раза за 15 месяцев), и более 2000 семей уже получили жилье, когда у меня справка, что состою в очереди на квартиру под номером №164 в ЖКХ? Что у других состояния аварийности жилья хуже меня? Прямо у всех жилье 1949 г постройки и в критическом состояний?

Я не работаю, мой муж тоже без работы (временно). И вот от этих всех выше описанных раздражающих факторов появилось непреодолимое желание поскорее сбежать из этой квартиры куда-нибудь, где нет сборища змей, насекомых и топающих сверху по голове дождя и пыли. У меня земельного участка тоже нет, чтобы в дальнейшем надеяться на постройку жилья, в общем, я запуталась окончательно!..

Бұрын-соңды үкіметтен еш көмек алмап едім, баратын ата-анам да жоқ. Олар қайтыс болғасын жалғыз сіңлім 11 жылдан бері менің қолымда, қазір күндізгі акылы бөлім студенті, тұрмыс құрмаған, оның да не жері, не пәтері жоқ. Басты проблемамыз баспаналы болсақ деймін, сол үшін сізге жүгініп отырмын.

Моя старшая дочь закончила ССУЗ, теперь планирует поступить в ВУЗ, но ей дома фактический неудобно заниматься к экзаменам, не только пригласить подруг домой. Она уже взрослая, что очень стесняется за нашу квартиру перед друзьями, знакомыми…

На основание выше изложенного, прошу Вас уважаемый Бахтыкожа Салахатдинулы!

Помогите, пожалуйста, в выделении нам жилье для проживания, прошу вас помочь мне и моей семье в рамках жилищного закона РК. 

С уважением, Гулбахит Кызылташ, Атырау қаласы

The post Арызым Сізге жетер ме, әкім мырза! appeared first on Қазақия газеті.

Как известно, с этих слов начал свое выступление Глава государства на коллегии в МИДе весной 2011 года, объявив о замене К.Саудабаева на Е.Казыханова на посту главы внешнеполитического ведомства. К тому времени о злоупотреблениях в кадровой работе, в т.ч. при назначениях в загранаппарате Министерства, знали если не все, то многие. В наследство новому министру тогда достались десятки сотрудников-»подснежников», тех самых «посторонних людей», которые годами внедрялись (другое слово не подходит, нижеизложенное подтверждает это) в мидовскую систему.

Это не просто бесполезные для госслужбы люди, они по своим моральным «качествам» являются слабым звеном в системе национальной безопасности, в обеспечении которой играет определенную роль и МИД РК. Очевидно, что, находясь у его руля, Е.Казыханов не мог за один-два года очистить от проходимцев «Авгиевы конюшни».

Поэтому Министр Е.Идрисов конечно слукавил, когда говорил в интервью СМИ о борьбе с «единичными фактами коррупционных нарушений» в его ведомстве. Судя по целому ряду недавних уголовных дел, связанных с мошенниками-дипломатами, речь как раз должна идти о системной коррупции, которая за годы коррозии кадровой службы превратила МИД в «ОПГ-кормушку» (см. газету «Время», июль месяц). Соответственно, любые попытки скрыть правду лишь подтверждают «заинтересованность» в сохранении статус-кво. Чьей, спрашивается, заинтересованности? Статс-секретаря, извините за каламбур? Ответ надо найти, но коллеги-журналисты, видимо, не решаются без отмашки  перейти от констатации фактов системных злоупотреблений в Министерстве к постановке такого вопроса. Да, за такое могут «отмахнуть» по лицу, но истина важнее. Освежим память некоторыми фактами.

В 2012 году были установлены факты незаконных поборов в МИД РК, когда тысячи граждан Казахстана, а также иностранцев, заставляли осуществлять излишние выплаты, причем официально, через банки второго уровня, в пользу РГП ХОЗУ МИД за оформление каждой визы. Нескольких сотрудников РоГаикоПыта ХОЗУ МИД весной т.г. были «закрыты», руководитель этой конторы отделался сильным испугом, впрочем, как и предыдущий, по которому уголовное расследование велось и в прошлом году.

В апреле 2013 года сотрудники КНБ выявили звено организованной преступной группы в составе 6 человек в представительстве МИД в г.Алматы, возглавлявшееся заместителем Директора департамента консульской службы. Если выявленный финансовый ущерб составил 240 миллионов тенге, то можно предположить, что не выявленный — в разы больше? Причем результат от такого выявления незаконной деятельности МИДа — почти никакой. Просто перестали устраивать поборы. Деньги не возвращены потерпевшим, виновные должностные лица, мы не говорим о рядовых клерках, остались на своих теплых местах.

Авторитет и международный имидж государства вновь подорваны из-за коррупционеров в МИД РК. В 2013 году полицией ФРГ были арестованы генеральный консул Казахстана во Франкфурте-на-Майне и один из его сотрудников за совершение преступления, связанного с крупной контрабандой. Похоже, разгорается новый скандал, теперь уже в Посольстве Казахстана в Королевстве Норвегии, вокруг очередного консула-проходимца, 2-секретаря Куаныша Агайдарова. С ним, на свою беду, пришлось столкнуться назначенному осенью прошлого года Указом Главы государства Чрезвычайному и Полномочному Послу Аскару Тажиеву. Источники в МИДе сообщили, что этого дипломата, прошедшего все ступени карьерной лестницы за 23 года службы в МИД, «подставили» перед Президентом РК первые руководители родного ведомства! Скорее всего, доложили, что создал «проблемы в коллективе» и, вообще, «не справляется»… Теперь Послу грозит «освобождение от должности в связи с переходом на другую работу». Но обо всем по порядку.

Эпизоды, эпизоды…

• Эпизод 1 (такой термин употребляют, описывая следствие по деятельности ОПГ, ну а МИД РК, сами видите…). Недисциплинированность, безответственное, халатное отношение к профессиональным обязанностям К.Агайдарова зафиксированы в его многочисленных объяснительных записках. Более того, консул оказался элементарно «нечист на руку», украл оставшиеся после приема в честь дня Независимости РК несколько коробок с более 100 бутылками алкоголя, но потом «перед лицом своих товарищей» и при их порицании, вынужден был вернуть государственное добро. Сие действо также было зарегистрировано соответствующим Актом в бухгалтерии Посольства. Как вы думаете, нормальный человек будет возвращать то, что не воровал? Как оказалось, это и даже неисполнение консулом ряда текущих поручений Посла по работе, были только «цветочки»…

• Эпизод 2.Каплей, переполнившей чашу терпения Посла А.Тажиева, стало исчезновение на целые сутки К.Агайдарова, о чем немедленно, согласно инструкции, был информирован Центральный аппарат МИД. Позже консул-невидимка напишет в объяснительной записке, что «не слышал и не видел звонки Посла и своих коллег», а супруга не отвечала на звонки потому, что «закрыла свой счет на мобильный телефон». Самым интересным, но как оказалось, не для наших «компетентных органов», стала картина произошедшего, которая была воспроизведена, в том числе, с помощью спецаппаратуры норвежских транспортных властей. Когда К.Агайдаров появился и находился на работе, передвижения закрепленной за ним автомашины с государственными дипномерами были зафиксированы в пригороде г.Осло. За рулем машины находилось неизвестное лицо, вероятнее всего, иностранец?! Вы скажете, что это не члены ОПГ, шаставшие по «малинам»- огородам вокруг Осло, а спецагенты, выполнявшие секретное задание?

• Эпизод 3. Спецагент 00 К.Агайдаров выносит домой, в нарушение соответствующих инструкций, 133 папки служебной документации, в т.ч. с грифом «ДСП», что также зафиксировано Актом Комиссии Посольства РК в Норвегии. Вы скажете, это он делал для того, чтобы отснять микро-фотоаппаратом содержимое папок на микропленку? Для чего спросим мы?

• Эпизод 4. Апофеоз драмы — ЧП или пофигизм руководства МИД РК. Посол Аскар Сагиевич поручает сотрудникам забрать у К.Агайдарова ключи от а/машины, входной двери в Посольство, опечатать сейф и входную дверь в кабинет консула, для проведения дополнительной проверки его деятельности, согласно приказа Посла и созданной Комиссии Посольства. Произошедшее далее — как в кино: очко, ой, сердце агента 00 К.Агайдарова сжалось от нехорошего предчувствия и на следующий день он… сбежал вместе с семьей в неизвестном направлении! Учитывая, что официального уведомления о появлении К.Агайдарова в Казахстане и зачислении его в аппарат МИД Посольством РК в Осло не было получено, ему с 4 марта с.г. в табеле учета рабочего времени сотрудников Посольства ставится отметка «прогул». При этом «беглец» замечен в Департаменте Америки МИД, видимо ходит «на работу»? На каком основании? В имеющейся у нас копии письма Посла от 21 июля с.г. что действия МИД могут классифицироваться как «мошенничество», согласно УК Казахстана.

Вы не поверите, но первые руководители МИД не ответили ни на одно из семи писем Посла по указанным ЧП, проступкам и, в целом, беспрецедентный для дипломатической службы ситуации вокруг бывшего консула К.Агайдарова! Полученные от источника в МИДе копии документов (Акты Посольства, объяснительные К.Агайдарова, заявление бухгалтера по его финансовым задолженностям и др.) также могут подтвердить, что некоторые положения Административного Кодекса, этики госслужащего и даже УК Республики Казахстан со словами «действие/бездействие», «халатность» и др. могут быть применены к ответственным, а правильнее, безответственным, лицам Министерства. Дополнительные штрихи к моральному облику К.Агайдарова дает его «деятельность» в бытность консульского сотрудника в Таиланде. Он и там наследил: уже три года не возвращает казахстанской гражданке А.К. деньги, которые та по ошибке направила ему банковским переводом на оформление паспорта своей дочери (вместо 100 долл. США заплатила в десять раз больше). На этом фоне будет неудивительно, если появится информация о «невнешних сношениях» консульского сотрудника с тайской гражданкой, с определенными «природными» последствиями, причем от ответствеености наш герой также… сбежал.

Безнаказанность порождает новое беззаконие

Приведенные примеры незаконной деятельности в подразделениях МИДа, в Алматы, Астане, и, вероятно, в Осло… — это «звенья одной цепи», коррупционной. Уверены, существуют и другие латентые правонарушения, о которых мы пока не знаем, но можем догадываться. Самое плохое то — такие многочисленные проходимцы-агайдаровы, засевшие в загранучреждениях РК, являются находкой для иностранных спецслужб. Следует отметить, что Посол в своих сообщениях ставил вопрос о безопасности Посольства, в том числе информационной. В этой связи возникают большие вопросы к специальным правоохранительным органам Республики Казахстан, которые курируют МИД РК.

21 июля А.Тажиев написал министру Е.Идрисову: «Считаю, что действия К.Агайдарова, а также попытки Центра прикрыть их, не только противоречат этике государственной службы, но и нарушают Закон о дипломатической службе и, в целом, законодательство Республики Казахстан. Известные негативные факты в системе консульской службы, выявленные компетентными органами в 2013г., являются системной проблемой, связанной с неразборчивостью и халатностью в подготовке кадров МИД. Ситуация вокруг К.Агайдарова является тому подтверждением. Вам также известно указание Главы государства о том, что «в МИДе не должно быть посторонних людей». В своей позиции и действиях руководствуюсь именно данной установки Президента РК.»

Получается, за четкое выполнение поручений Президента РК первые руководители МИД «подставляют» Посла? Это, кстати, касается не только кадровой сферы, но и информационно-аналитической работы Посольства, объем которой увеличился в три раза, а также поручения по привлечению инвестиций в РК. Так, на информацию-предложение Посла от 13.03.14г. по потенциальному инвестиционному проекту создания солнечной энергетической установки в нашей стране (на сумму около 250 млн.евро) с участием всемирно известной норвежской корпорацией Scatec AS, МИД РК не только не ответил, но даже не направил ее в заинтересованные госорганы. 

P.S. 

Мы будем следить за профессиональной судьбой А.Тажиева. Нельзя исключать даже провокаций против него и/или его семьи со стороны заинтересованных лиц в МИДе или тех, кто связан «делишками» с этой очень подозрительной группировкой. 

Бахытжан Тобаяков, журналист-писатель, Деятель культуры РК, член Союзов писателей и журналистов РК,  лауреат премии им.А. Букейханова.  Астана

The post Кого прикрывает руководство  МИД РК? appeared first on Қазақия газеті.

Үкімет және банк секторы

Қаржы секторын дамытудың 2030 жылға дейінгі тұжырымдамасы «Қазақстан-2050» стратегиясын іске асыру аясындағы ұзақ мерзімдік жоспарлау жүйесіне жатқызылып отырған көрінеді.  Оның дамуын айқындайтын міндеттерінің бірі инфляция деңгейін экономиканың өсуі үшін қолайлы деңгейде ұстап тұру, экономиканың қолжетімді ақша ресурстарына деген қажеттілігін қамтамасыз ету және қаржы секторының проблемаларын шешу болса керек.

Үкімет отырысында осыған орай айтылған жайларға зер салсақ, аталмыш тұжырымдаманың негізгі мақсаты бәсекеге қабілетті қаржы секторын құру және оның экономикалық ынтымақтастық және даму ұйымымен қатар үздік халықаралық стандарттар негізінде экономикада ресурстарды қайта бөлудегі тиімділігін арттыруға бағытталатын сыңайлы. Оған сай бірнеше міндеттерді іске асыруды да  көздеп отыр.

Олар елеулі түрде, күйзелісті ахуал туындаған жағдайда қаржы жүйесінің орнықтылығына қолдау көрсетуге қоғам мен мемлекетті алдын ала дайындау жүргізіп, олардың аса қатты шығындалып қалмауын көздейді. Сонымен қатар, экономикалық ықпалдастық жағдайында қаржы секторының бәсекеге қабілеттілігін арттыру, қаржы жүйесінің сапалы дамуы үшін инфрақұрылымды жетілдіру және оңтайлы жағдайлар жасау көзделмек.

Иә, қаржы секторының өсу мүмкіндіктерін экономиканың қажеттілігіне сәйкес келетін қаржы өнімдерінің есебінен кеңейтуді көздеу дұрыс-ақ. Бірақ, бұл жерде бізде қазір ондай өнімдер бар ма, егер болмаса, ол қалай пайда болады деген сұрақ туындайды. Алайда, бас банкир Қайрат Келімбетов өткізген арнайы брифингтен де ол жайында тұшымды нәрсе ести алмадық.  Еліміз экономикасындағы кредиттік тәуекелдерді төмендетуіне келсек, бұл енді орынды мәселе.

Үш мәселе

Ұлттық банк төрағасы Қайрат Келімбетов негізінен басты үш мәселеге ерекше назар аударып отыр. Біріншіден, банк секторын шоғырландыру және оны капиталдандыруды арттыру; екіншіден, мобильдік технологияларды дамыту және банк қызметтерін ұсыну; үшіншіден, корпоративтік басқаруды және тәуекелдерді басқару жүйесін одан әрі дамыту.

Банк секторын дамытуда үкімет ірі және орташа банктер тобын күшейтуге баса назар аудармақшы. Өйтетін себебі, біздегі ірі банктер ЕАЭО-ның қаржы нарығында өз орнын ойып тұрып алу керек қой. Ал, орташа банктер оларға корпоративтік сектор және халық үшін банк қызметтерінің негізгі түрлері бойынша бәсекелестікке түседі.

Банк секторын нығайту және ірілендіру мақсатымен Ұлттық Банк 2016 жылғы 1 қаңтардан бастап банктердің меншікті капиталының ең төменгі мөлшеріне қойылатын талаптарды қазіргі 10 миллиард теңгеден 100 миллиард теңгеге дейін біртіндеп ұлғайтуды көздейді. Осы талапқа сай келмейтін банктерді банкротқа жіберейін деп жатқан жоқ.  Дегенмен, олар үшін жеке тұлғалардың депозиттерін тартудың ең жоғары сомасы шектеледі екен.

Капиталдың жоғары деңгейі және қосымша инвестициялар банктерге кредиттеудің ІЖӨ-гі үлесін арттыру, тұтынушыларды қаржылық қызметтермен қамтуды кеңейту, мобильдік банкинг және банктік интернет қызметін көрсетуді қоса алғанда, жаңа жоғары технологиялық қызметтерді дамыту үшін «Базель III»  стандарттарына көшу көзделіп отыр.

Тұжырымдама шеңберінде қоғам үшін өзекті мәселе халықтың қаржылық сауаттылығын арттыру, төлем қызметтерінің инфрақұрылымын дамыту, қаржы ұйымдары тарапынан нарықтық тәртіпті арттыру, мемлекеттік-жеке әріптестік  институтын дамыту мәселелер де қолға алынбақ көрінеді.

Қаржы жүйесін дамыту міндеттері банк секторын, сақтандыру секторын, сондай-ақ бағалы қағаздар нарығын дамыту шеңберінде қаралмақ. Бұдан басқа, қойылған міндеттерді іске асыру барысында оңтайлы реттеу тетігін қолдану болжамдалып отыр, мұнда реттеушінің талаптары шектен тыс болмайды, бірақ қаржы жүйесінің тәуекелдерін іске асырудың ықтимал салдарларын барынша азайтуға көмектеспек.

Дағдарысты еңсеруде қаржы жүйесінің тұрақтылығын арттыруға мүмкіндік беретін даму бағыттарының бірі капиталдың жеткіліктілігі, өтімділік көрсеткіші және қаржы левереджі, сондай-ақ тәуекелдерді басқару бөлігінде «Базель II» және «III» халықаралық стандарттарын кезең-кезеңмен енгізу көзделуде.

Атап айтқанда, реттеудің қарсы циклдылығына, банктер капиталына «қадағалау» үстемесіне, өтімділік коэффициенттеріне және левередж коэффициенттеріне баса назар аударылмақ екен. Сонымен қатар, қабылданатын шаралар банктерге жаңа талаптарға бейімделу, қадағалау үдерісіне әрбір банктің жаңа талаптарға дайындығын бірлесіп бағалау практикасы енгізіледі. Ол  үшін қажетті уақыт кезеңі белгіленбек.

Ұлттық компаниялар жоқ

Алайда, бұл жерде бейтарап түрде немесе саясаттан тыс позиция тұрғысынан келгеннің өзінде шетел валютасы, атап айтқанда АҚШ долларының құнының өсуінің де өзіндік себептері болатын сияқты. Айталық, бізде керемет пайда әкеліп отырған ұлттық компания-
лар бар ма? Әрине, жоқ. Керісінше, олардың шығыны айтарлықтай бар. Үкімет бюджетіндегі ақша көбінесе, солардың жыртығын жамау-
ға кетіп жатқаны есеп-қисаптан бейхабар жанға да мәлім жағдай. Есесіне, қажетті салаға бағытталмағандықтан ол кейін міндетті түрде дағдарысты шақырмай тұрмайды.

Сонымен қатар, мемлекеттік аппараттар барған сайын ұлға-йып, «ұлттық» деген аты барда заты жоқ мемлекеттік нысандағы компаниялар санының арта түсуі адамдардың жекеменшік секторға жұмыс істеуге деген ынтасын арттырмайды. Тіпті, жекеменшік мекемеде жұмыс істеу – айып алаңына (штрафбат) барумен бірдей сезілетін болды.

Ал, мемлекеттік ұйымдарда жұмыс істеудің артықшылықтары көп. Ең бергісін айтқанда, жеңілдікпен пәтерлі бола аласың. Әлеуметтік жағынан өзге де артықшылықтар баршылық. Оның сыртында біздің үкімет үшін ақша, қаржы табу басты мәселе ретінде алға шыққан. Енді, оны қалай жұмсау жағы онша бас қатырмайтын дүниеге айналған.  Оны мына мысалдардан көруге болады.

Халықтың ең басты тұтыну қажеттіліктерінің бағасын негізінен монополистер белгілегенімен іс жүзінде оған оң батасын беретін тағы да үкімет. Мысалы, электр энергиясы, су, жанар-жағармай, азық-түлік бағасын нарықтық экономика белгілеп отырған жоқ. Жанама түрде болса да үкіметтің қатысы бар деуге келіңкірейді.

Доллардың құны төмендеген кездер де болды. Ол кезде әлемдік рынокта табиғи байлық өнімдерінің, шикізаттың бағасы аспандап тұрған еді. Ол шикізат, мұнай бағасы төмендей бастаса, алып кеме мұхитқа бата бастағандай біздің де мазамыз қашады.

Шикізат үнемі қаржы болмайды

Табиғи байлыққа сүйенген елдердің экономикасы өзгелермен салыстырғанда тұрақты бола бермейді. Оның өсіп өрлеуі де, құлдырап су түбіне кетуі тез. Шикізат пен мұнайы көп елдің артықшылықтары болғанымен, кері жақтары да жетерлік. Мысалы, оның институциялық потенциалға ықпал ететіндігімен де санасуға тура келеді.

Адамдардың өзара ынтымақтасуын, бірлесе қызмет етуін, дұрыс қадамдарын қолдап, бұрыс әрекеттерін әшкерелеп жөнге салу тетіктерін экономистер инс-
титуция деп атайды.  Айналып келгенде, қай елдің гүлденіп, қайсысының құлдырап құрдымға кетіп бара жатқанын осы институциялық дамуының деңгейімен анықтайды.  Оған табиғи байлықтың да, мұхитқа шығатын дәлізінің бар-жоғы да маңызды емес.

Қалай десек те, қазіргі күні дамуы жағынан Батыс Еуропа алдына жан салмай тұр. Бірақ, жерінің асты-үстін қопарып алтын іздеп жатқан жоқ. Сонда, табиғи байлық дегеннің өзі тер төкпей, бас қатырмай табатын пайда болып отыр ғой. Олай болса, ұлттық валютамыздың құнсызданып, теңгенің девалвацияға ұшырай беруі, оның алдағы уақытта да ықтималдылығы басым екендігі ел экономикасының аумалы-төкпелі халде екендігін айғақтайды.

Қазіргі әлем экономикасындағы ойын тәртібі де жиі өзгеріп отыр. Қазір біздің басты валютамыз іс жүзінде табиғи байлықтан түсетін шикізат. Біз әлемдегі шикізатты валютаға айналдырған елдердің қатарына еніп кеттік. Экспорт кірісінің көп бөлігін осы сала құрап отырғандықтан солай демеске лажы жоқ. Канада, Чилия, Австралия, РФ да осы қатарға жатқызылады.

Олай болса, осы жолы бас банкир мен бас қаржыгер журналистерге таныстырған тұжырымдаманы жоғарыда аталған елдермен салыстыруға тура келеді. Тым құрығанда, оларда валюта құнына қатысты саясат қалай жүзеге асырылып жатыр дегенді зерттеудің еш артықтығы жоқ.

Табиғи байлығы мен шикізатына ғана сүйеніп дамып кеткен ешбір ел әлемде жоқ. Ал, өздерін солай алдарқатып жүргендер баршылық. Ол аз болғандай ертең таусылатын шикізатқа сү-йеніп стратегиялық жоспарын жасайтын әпенді жұртты іздеп табу тіпті қиын шығар.

Бұл тұрғыдан келгенде Елбасының кезекті жолдауында айтылған білімге негізделген экономика жайындағы ұсынысының өміршеңдігіне көз жеткізгендей боласың. Білім мен біліктілік таусылмас байлық. Қолыңыздағы ұялы телефонның құнын есептеп көріңізші! Қора-қора қойыңыз, ат басындай алтыныңыз болса да осы бір құрылғыны жасап сатқандай мол қаржыға қол жеткізе алмасыңыз айдан анық. Олай болса, білім мен біліктіліктің таусылмас терең қазына екендігінің айғағы осы технологиялық құралдар яғни, ақыл-ойдың жемісі екендігіне дау айтпассыз.

Ал, біздің бұл жағынан қай тұста жүргенімізді бағамдау үшін әлемдегі ЖОО рейтингтеріне үңілсеңіз, дүние көшінен көп артта қалғыныңызды еріксіз сезінесіз.

Олай болса, барлығын жасамай-ақ қоялық. Бірақ, адамға аса қажет бір дүниені ғана тауып жасайтындай біліктілікке қол жеткізейікші. Оны ойластырудың орнына, өз аяғымен жетіп келмейтін, оңайлықпен қолға түспейтін мол қаржыны сағына аңсап, алысқа құлаш сермеген тұжырымдама жасаумен кімді алдамақпыз?!

Қуандық Шамахайұлы

The post Қаржы өз аяғымен келе ме? appeared first on Қазақия газеті.